Книга Левит, глава 18

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 18
18:1	И рече Господь к Моисею, глаголя:
18:2 См.: 🔗Лев. 11:44	глаголи сыном Израилевым и речеши к ним: Аз Господь Бог ваш:
18:3	по делом земли Египетския, в нейже обитасте, да не сотворите, и по начинанием земли Ханаанския, в нюже Аз веду вы тамо, не сотворите, и по законом их не ходите:
18:4 См.: 🔗Мф. 15:3	судбы Моя сотворите, и повеления Моя сохраните и ходите в них: Аз Господь Бог ваш:
18:5 См.: 🔗Иез. 20:11 🔗Неем. 9:29 🔗Рим. 10:5 🔗Гал. 3:12	и сохраните вся повеления Моя и вся судбы Моя, и сотворите я: Сотворивый та человек жив будет в них: Аз Господь Бог ваш.
18:6 См.: 🔗2Цар. 16:22	Человек человек ко всякому ближнему плоти своея да не приступит открыти срамоты: Аз Господь.
18:7 См.: 🔗Быт. 9:22 🔗Быт. 19:32 🔗Иез. 22:10	Срамоты отца твоего и срамоты матере твоея да не открыеши: мати бо твоя есть, да не открыеши срамоты ея.
18:8 См.: 🔗Втор. 27:20 🔗2Цар. 16:22 🔗Иез. 22:10	Срамоты жены отца твоего да не открыеши: срамота отца твоего есть.
18:9 См.: 🔗Втор. 27:22 🔗2Цар. 13:12 🔗Иез. 22:11	Срамоты сестры твоея яже от отца твоего или от матере твоея, в дому рожденныя или вне рожденныя, да не открыеши срамоты их.
18:10	Срамоты дщере сына твоего или дщере дщере твоея, да не открыеши срамоты их, яко твоя срамота есть.
18:11	Срамоты дщере жены отца твоего да не открыеши, единоотча сестра ти есть, да не открыеши срамоты ея.
18:12 См.: 🔗Лев. 20:19	Срамоты сестры отца твоего да не открыеши, своя бо отцу твоему есть.
18:13	Срамоты сестры матере твоея да не открыеши, своя бо матери твоей есть.
18:14 См.: 🔗Лев. 20:20	Срамоты брата отца твоего да не открыеши и к жене его да не внидеши, сродник бо ти есть.
18:15 См.: 🔗Быт. 38:16 🔗Втор. 27:23 🔗Иез. 22:11	Срамоты невестки твоея да не открыеши, жена бо сына твоего есть, да не открыеши срамоты ея.
18:16 См.: 🔗Лев. 20:21 🔗Мф. 14:4 🔗Мк. 6:18	Срамоты жены брата твоего да не открыеши, срамота брата твоего есть.
18:17 См.: 🔗Лев. 20:14	Срамоты жены и дщере ея, да не открыеши, дщере сына ея, и дщери дщере ея да не поймеши открыти срамоты их, ближнии бо ти суть, нечестие есть.
18:18	Сестру жены твоея да не поймеши в наложницу, открыти срамоту ея пред нею, еще живе сущей ей.
18:19 См.: 🔗Лев. 15:19	И к жене во отлучении нечистоты ея да не внидеши открыти срамоты ея.
18:20 См.: 🔗Лев. 20:10	И к жене ближняго твоего да не даси ложа семене твоего, осквернитися с нею.
18:21 См.: 🔗Лев. 20:2 🔗4Цар. 23:10	И от семене твоего да не даси служити Молоху, да не оскверниши имене Святаго:
18:22 См.: 🔗Рим. 1:27 🔗1Кор. 6:9	и с мужеским полом да не ляжеши женским ложем, мерзость бо есть.
18:23 См.: 🔗Исх. 22:19	И всякому четвероногому да не даси ложа своего в семенение, осквернитися с ним: и жена да не станет ко всякому четвероногому снитися, гнусно бо есть.
18:24 См.: 🔗Лев. 20:23 🔗4Цар. 17:15	Не оскверняйтеся во всех сих: во всех бо сих осквернишася языцы, ихже Аз отжену пред лицем вашим:
18:25 См.: 🔗Ис. 26:21	и осквернися земля, и воздах неправду им ея ради: и возненавиде земля седящих на ней.
18:26	И сохраните вся законы Моя и вся повеления Моя, и не сотворите от всех гнусностей сих, туземец и прибывший пришлец в вас:
18:27	вся бо сия гнусности сотвориша человецы земнии, бывшии прежде вас, и осквернися земля.
18:28 См.: 🔗Лев. 20:22	И да не вознегодует на вас земля, внегда осквернити вам ю, имже образом вознегодова на языки иже прежде вас:
18:29	яко всяк, иже аще сотворит от всех гнусностей сих, потребятся душы творящыя сие от людий своих.
18:30 См.: 🔗Лев. 19:37 🔗Лев. 20:8	И сохраните повеления Моя, яко да не сотворите от всех закон гнусных, иже беша прежде вас: и да не осквернитеся в них, яко Аз Господь Бог ваш.