Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 18 | |
18:1 См.: 🔗Быт. 1:31 | Живый во веки созда вся обще. Господь един оправдится: |
18:2 | никтоже доволен исповести дел Его, |
18:3 | и кто изследит величия Его? |
18:4 | Державу величества Его кто изочтет? И кто приложит исповедати милости Его? |
18:5 | Не леть умалити, ниже приложити, и не леть изследити чудес Господних. |
18:6 См.: 🔗Лк. 17:10 | Егда скончает человек, тогда начинает, и егда престанет, тогда усумнится. |
18:7 | Что есть человек? И что потреба его? Что благо его? И что зло его? |
18:8 См.: 🔗Пс. 89:10 | Число дний человеку много лет сто: яко капля морския воды и зерно песка, тако мало лет в день века. |
18:9 См.: 🔗2Пет. 3:9 🔗Прем. 12:18 | Сего ради долготерпе Господь на них и излия на ня милость Свою. |
18:10 | Виде и позна низвращение их, яко зло, |
18:11 См.: 🔗Иез. 13:23 | сего ради умножи милосердие Свое. |
18:12 | Милость человеча на искренняго своего, милость же Господня на всяку плоть. |
18:13 См.: 🔗Пс. 117:18 | Обличаяй и наказуяй, и научаяй и обращаяй яко пастырь стадо свое: |
18:14 | приемлющих наказание милует и тщащихся о судбах Его. |
18:15 См.: 🔗Сир. 20:15 🔗Сир. 41:28 | Чадо, во благих не даждь порока, и во всяцем даянии печали словес. |
18:16 | Не устудит ли зноя роса? Тако лучше слово, нежели даяние. |
18:17 См.: 🔗Прит. 16:24 🔗Прит. 25:11 | Не се ли, слово паче даяния блага? Обоя же у мужа благодатна. |
18:18 | Буй неблагодарно поносит, и даяние завидливаго истаевает очи. |
18:19 | Прежде неже возглаголеши, увеждь, и прежде недуга врачуйся: |
18:20 См.: 🔗Лк. 4:23 | прежде суда испытай себе и в час посещения обрящеши очищение: |
18:21 См.: 🔗Лк. 6:42 | прежде даже в недуг не впадеши, смирися, и во время грехов покажи обращение. |
18:22 См.: 🔗Пс. 94:8 🔗Рим. 12:11 | Не воспятися воздати обет благовременно и не ожидай даже до смерти оправдатися: |
18:23 | прежде даже не помолишися, уготови себе, и не буди яко человек искушая Господа. |
18:24 См.: 🔗Сир. 1:30 | Помяни гнев в день скончания и время мести во отвращении лица: |
18:25 См.: 🔗Мф. 14:20 | помяни время глада во время сытости, нищету и убожество в день богатства. |
18:26 См.: 🔗Евр. 13:3 | От утра до вечера изменяется время, и вся скора суть пред Господем. |
18:27 См.: 🔗Прит. 28:14 | Человек премудр во всем опасен будет и во днех грехов вонмет о согрешении. |
18:28 См.: 🔗Прит. 1:5 | Всяк разумив позна премудрость, и обретшему ю даст исповедание. |
18:29 | Разумнии в словесех, и тии умудришася и умножиша притчи испытны. Воздержание души. |
18:30 См.: 🔗Рим. 6:12 🔗Рим. 8:13 | Вслед похотей твоих не ходи и от похотений своих возбраняйся: |
18:31 | аще даси души твоей благоволение желания, сотворит тя обрадование врагом твоим. |
18:32 См.: 🔗Лк. 16:19 | Не веселися о мнозей сладости и не связуйся союбщением ея. |
18:33 | Не буди нищь пиршествуяй от взаимства, и ничто ти будет в мешце. |