Послание апостола Павла к Римлянам, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1	Что убо речем, пребудем ли во гресе, да благодать преумножится? Да не будет.
6:2 См.: 🔗1Пет. 2:24 🔗Гал. 6:14	Иже бо умрохом греху, како паки оживем о нем?
6:3 См.: 🔗Гал. 3:27	Или не разумеете, яко елицы во Христа Иисуса крестихомся, в смерть Его крестихомся?
6:4 См.: 🔗Кол. 2:12 🔗Гал. 6:15 🔗Еф. 4:23	Спогребохомся убо Ему крещением в смерть, да якоже воста Христос от мертвых славою Отчею, тако и мы во обновлении жизни ходити начнем.
6:5 См.: 🔗Рим. 8:11 🔗1Кор. 6:14	Аще бо сообразни быхом подобию смерти Его, то и воскресения будем,
6:6 См.: 🔗Гал. 5:24	сие ведяще, яко ветхии наш человек с Ним распятся, да упразднится тело греховное, яко ктому не работати нам греху.
6:7 См.: 🔗1Пет. 4:1	Умерый бо свободися от греха.
6:8 См.: 🔗Кол. 3:5 🔗2Тим. 2:11	Аще же умрохом со Христом, веруем, яко и живи будем с Ним,
6:9 См.: 🔗1Кор. 15:54 🔗Евр. 9:28	ведяще, яко Христос воста от мертвых, ктому уже не умирает: смерть Им ктому не обладает.
6:10 См.: 🔗Лк. 20:38	Еже бо умре, греху умре единою: а еже живет, Богови живет.
6:11 См.: 🔗Гал. 2:19	Такожде и вы помышляйте себе мертвых убо быти греху, живых же Богови, о Христе Иисусе Господе нашем.
6:12	Да не царствует убо грех в мертвеннем вашем теле, во еже послушати его в похотех его:
6:13 См.: 🔗Рим. 12:1 🔗Гал. 2:20	ниже представляйте уды вашя оружия неправды греху: но представляйте себе Богови яко от мертвых живых, и уды вашя оружия правды Богови.
6:14 См.: 🔗Рим. 5:20	Грех бо вами да не обладает. Несте бо под законом, но под благодатию.
6:15 См.: 🔗Гал. 2:17	Что убо, согрешим ли, зане несмы под законом, но под благодатию, да не будет.
6:16 См.: 🔗Мф. 6:24 🔗Ин. 8:34 🔗2Пет. 2:19	Не весте ли, яко емуже представляете себе рабы в послушание, раби есте, егоже послушаете, или греха в смерть, или послушания в правду?
6:17	Благодарим убо Бога, яко бесте раби греху, послушасте же от сердца, в оньже и предастеся образ учения.
6:18 См.: 🔗Ин. 8:32 🔗Гал. 5:1	Свобождшеся же от греха, поработистеся правде.
6:19	Человеческо глаголю, за немощь плоти вашея. Якоже бо представисте уды вашя рабы нечистоте и беззаконию в беззаконие, тако ныне представите уды вашя рабы правде во святыню.
6:20	Егда бо раби бесте греха, свободни бесте от правды.
6:21 См.: 🔗Рим. 1:26 🔗Рим. 7:5	Кий убо тогда иместе плод? О нихже ныне стыдитеся, кончина бо онех, смерть.
6:22	Ныне же свобождшеся от греха, порабощшеся же Богови, имате плод ваш во святыню, кончину же жизнь вечную.
6:23 См.: 🔗Рим. 2:7 🔗Рим. 5:12	Оброцы бо греха смерть: дарование же Божие живот вечный о Христе Иисусе Господе нашем.