Послание апостола Павла к Римлянам, глава 14

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 14
14:1 См.: 🔗Рим. 15:1 🔗1Кор. 8:12	Изнемогающаго же в вере приемлите, не в сомнение помышлении.
14:2 См.: 🔗1Кор. 10:25	Ов бо верует ясти вся, а изнемогаяй зелия да яст.
14:3	Ядый не ядущаго да не укаряет: и не ядый ядущаго да не осуждает: Бог бо его прият.
14:4 См.: 🔗Иак. 4:12	Ты кто еси судяй чуждему рабу? Своему Господви стоит, или падает. Станет же, силен бо есть Бог поставити его.
14:5	Ов убо разсуждает день чрез день, ов же судит на всяк день. Кииждо своею мыслию да извествуется.
14:6 См.: 🔗1Кор. 10:31 🔗1Тим. 4:4	Мудрствуяй день, Господеви мудрствует: и не мудрствуяй день, Господеви не мудрствует. Ядый, Господеви яст. Благодарит бо Бога: и не ядый, Господеви не яст, и благодарит Бога.
14:7 См.: 🔗1Пет. 4:2 🔗2Кор. 5:15 🔗1Фес. 5:10	Никтоже бо нас себе живет, и никтоже себе умирает:
14:8	аще бо живем, Господеви живем, аще же умираем, Господеви умираем: аще убо живем, аще умираем, Господни есмы.
14:9 См.: 🔗Мф. 28:18 🔗Деян. 10:42	На сие бо Христос и умре и воскресе и оживе, да и мертвыми и живыми обладает.
14:10 См.: 🔗Мф. 7:1 🔗2Кор. 5:10	Ты же почто осуждаеши брата твоего, или ты что уничижаеши брата твоего? Вси бо предстанем судищу Христову.
14:11 См.: 🔗Ис. 45:23 🔗Мф. 26:64 🔗Флп. 2:10	Писано бо есть: живу Аз, глаголет Господь, яко Мне поклонится всяко колено, и всяк язык исповестся Богови.
14:12 См.: 🔗Мф. 12:36	Темже убо кийждо нас о себе слово даст Богу.
14:13 См.: 🔗Мф. 18:7	Не ктому убо друг друга осуждаем, но сие паче судите, еже не полагати претыкания брату или соблазна.
14:14 См.: 🔗Мф. 15:11	Вем и извещен есмь о Христе Иисусе, яко ничтоже скверно само собою: точию помышляющему что скверно быти, оному скверно есть.
14:15 См.: 🔗1Кор. 8:11	Аще же брашна ради брат твой скорбит, уже не по любви ходиши: не брашном твоим того погубляй, за негоже Христос умре.
14:16	Да не хулится убо ваше благое.
14:17 См.: 🔗1Кор. 8:8 🔗Гал. 5:22	Несть бо Царство Божие брашно и питие, но правда и мир и радость о Дусе Святе.
14:18	Иже бо сими служит Христови, благоугоден есть Богови и искусен человеком.
14:19	Темже убо мир возлюбим и яже к созиданию друг ко другу.
14:20 См.: 🔗Мф. 15:11	Не брашна ради разоряй дело Божие. Вся бо чиста, но зло человеку претыканием ядущему.
14:21	Добро не ясти мяс, ниже пити вина, ни о немже брат твой претыкается или соблазняется или изнемогает.
14:22 См.: 🔗1Ин. 3:21	Ты веру имаши? О себе сам имей пред Богом. Блажен не осуждаяй себе, о немже искушается.
14:23 См.: 🔗Тит. 1:15	А сомняяйся, аще яст, осуждается, зане не от веры: всяко же, еже не от веры, грех есть.
14:24 См.: 🔗1Кор. 2:7	Могущему же вас утвердити по благовествованию моему и проповеданию Иисус Христову, по откровению тайны, леты вечными умолчанныя,
14:25 См.: 🔗Ис. 42:16	явльшияся же ныне, писании пророческими, по повелению вечнаго Бога, в послушание веры во всех языцех познавшияся,
14:26	Единому Премудрому Богу, Иисусом Христом, Емуже слава во веки. Аминь.