Книга Иисуса Навина, глава 19

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 19
19:1 См.: 🔗Втор. 33:6 🔗Быт. 49:7	И изыде вторый жребий Симеону, племени сынов Симеоновых по сонмом их, и бысть наследие их посреде жребия сынов Иудиных.
19:2 См.: 🔗1Пар. 4:28	И бысть жребий их Вирсавее и Савее и Молада,
19:3 См.: 🔗1Пар. 4:29	и Асерсуал и Вафул, и Велвола и Асом,
19:4 См.: 🔗Втор. 1:44	и Елфулад и Ерма,
19:5	и Секелаг и Вефаммаргасвоф, и Асерсусим
19:6	и Вефалваф, и села их: грады тринадесять и веси их.
19:7	Аин и Реммоф, и Еефер и Асам, грады четыри и веси их:
19:8 См.: 🔗1Пар. 4:33	и вся предградия, яже окрест градов сих даже до Ваалферирраммоф, идущих во Иамеф к ливу. Сие наследие племен сынов Симеоновых по сонмом их.
19:9	От жребия Иудина наследие племене сынов Симеоновых, яко бысть часть сынов Иудиных болшая нежели их: и наследиша сынове Симеоновы посреде жребия их.
19:10 См.: 🔗Мф. 4:13	И изыде жребий третий Завулону по сонмом их: и будут пределы наследия их до Сарида:
19:11 См.: 🔗Суд. 4:7	и восходят пределы их к морю и Мариле, и дойдут к Давасефу, и снидутся в дебрь, яже есть к лицу Иекнама,
19:12	и обратятся от Сарида противу от востоков Самес на пределы Хасалоф – Фавор, и пройдут к Даврафу, и взыдут к Иафаги:
19:13 См.: 🔗4Цар. 14:25	и оттуду обыдут супротив на востоки в Гефаефер, во град Касим, и пройдут на Реммонам Мафарим Аннуа,
19:14	и обыдут пределы к северу на Еннафоф, и будет исход их к Гаю Иеффаил,
19:15 См.: 🔗Суд. 17:7	и Каттаф и Наалол, и Семрон и Иадила и Вифлеем: грады дванадесять и веси их.
19:16	Сие наследие племене сынов Завулоновых по сонмом их, грады их и веси их.
19:17	И Иссахару изыде жребий четвертый, сыном Иссахаровым по сродством их,
19:18 См.: 🔗1Цар. 29:1 🔗2Цар. 2:9 🔗3Цар. 18:45	и быша пределы их Иезраель и Ахаселоф и Сунам,
19:19	и Аферарим и Сиан, (и Ренаф) и Анахареф,
19:20	и Раввоф и Кесион и Аеме,
19:21	и Рамаф и Инганним, и Инадда и Веффасис:
19:22	и снидутся пределы к Фавору и к Сасимафу к морю, и вефсмас, и будет его исход предел Иордан: грады шестьнадесять и веси их.
19:23	Сие наследие племене сынов Иссахаровых по сонмом их, грады и предградия их.
19:24	И изыде жребий пятый племене сынов Асировых по сонмом их,
19:25	и быша пределы их Хелкаф и Ооли, и Ватне и Ахсаф,
19:26 См.: 🔗3Цар. 18:19	и Елимелех и Амад и Масал: и приближатся к Кармилу к морю, и Сиору и Лаванафу,
19:27 См.: 🔗3Цар. 9:13	и обратятся от восток солнца в Виф – Дагон, и приближатся к Завулону, и в Гай Иеффаил к северу, (и внидут пределы Асафа) в Виф – Аемек, и да идут по долине Аниила, и пройдут в Хавол ошуюю,
19:28 См.: 🔗Быт. 10:19 🔗Нав. 11:8	и Ахран и Роов, и Аммон и Кана, даже до Сидона великаго:
19:29	и возвратятся пределы в Раму, и даже до града тверда Тириан, и возвратятся пределы до Сусы, и будет исход его море, и от ужа в Ахзиф,
19:30	и Амма и Афек и Раов: грады двадесять два и веси их.
19:31	Сие наследие племене сынов Асировых по сонмом их, грады их и веси их.
19:32	И Неффалиму изыде жребий шестый, сыном Неффалимлим по сонмом их,
19:33 См.: 🔗Мф. 4:13	и быша пределы их Меелеф и Милон, и Весенаним и Арме, и Накев и Иавнил, даже до Лаккун: и быша исходи их Иордан:
19:34 См.: 🔗Втор. 33:23	и возвратятся пределы к морю в Азаноф – Фавор, и пройдут оттуду во Икок, и приткнутся к Завулону от юга, и Асиру приближатся к морю, и ко Иуде Иордан от восток солнца.
19:35 См.: 🔗Чис. 13:22 🔗3Цар. 8:65	И грады ограждени Тириан, Тир и Амаф, и Реккаф и Хенероф,
19:36	и Адами и Рама и Асор,
19:37	и Кедес и Едраи и источник Асор,
19:38	и Иарион и Магдалиил, Оран и Вефанаф и Фасмус: грады девятьнадесят и веси их.
19:39	Сие наследие племене сынов Неффалимлих по сродству их, грады и предградия их.
19:40 См.: 🔗Суд. 18:1	И Дану и племени сынов Дановых по сонмом их изыде жребий седмый,
19:41 См.: 🔗Нав. 15:33	и быша пределы их Сараа и Есфаол и грады Самес,
19:42	и Саламинь и Еалон и Иефла,
19:43 См.: 🔗3Цар. 4:9	и Елон и Фамна и Аккарон,
19:44 См.: 🔗3Цар. 15:27	и Елфеко и Гавафон и Ваафоф,
19:45	и Иуф и Ваниварак и Гефреммон,
19:46 См.: 🔗Ион. 1:3 🔗Деян. 9:36	и от моря Иераконска, и Ираккон, предел близ Иоппы, и изыде предел сынов Дановых от них.
19:47 См.: 🔗Втор. 33:22 🔗Суд. 18:7	И изыдоша сынове Дановы и воеваша Ласем, и взяша его и поразиша его острием меча: и обиташа в нем, и нарекоша имя его Ласендан, по имени Дана отца своего. И Аморрей остася жити во Еломе и в Саламине: и отяготе рука Ефремля на них, и быша им данницы.
19:48	Сие наследие племене сынов Дановых по сонмом их, грады их и веси их. И не истребиша сынове Дановы Аморреа озлобляющаго их на горе, и не даяху им Аморрее исходити на юдоль, и утесниша от них предел части их.
19:49 См.: 🔗Чис. 14:6	И совершиша разделяти землю в пределех ея: и даша сынове Израилевы жребий Иисусу сыну Навину повелением Господним среде себе,
19:50 См.: 🔗Нав. 14:6 🔗Нав. 24:30 🔗Суд. 2:9	и даша ему град, егоже проси, Фамнаф – Сараи, иже есть в горе Ефраим: и созда град, и вселися в нем.
19:51	Сия разделения, яже разделиша Елеазар жрец и Иисус Навин и князи отечеств в племенех Израилевых по жребиям в Силоме пред Господем, у дверий скинии свидения. И скончаша делити землю.