Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 11 | |
11:1 | Разверзи, Ливане, двери твоя, и да пояст огнь кедры твоя: |
11:2 См.: 🔗4Цар. 19:23 🔗Ис. 14:8 | да плачевопльствит питис, зане паде кедр, яко вельможи вельми обеднеша. Восплачевопльствите, дуби Васанитидстии, яко посечеся дубрава насажденная. |
11:3 См.: 🔗Иер. 25:34 | Глас плачущих пастырей, яко возбедствова величие их: глас рыкающих львов, яко озлоблено бысть шатание Иорданово. |
11:4 См.: 🔗Мф. 15:24 🔗Рим. 8:36 | Сице глаголет Господь Вседержитель: пасите овцы заколения, |
11:5 См.: 🔗Мих. 3:3 | яже стяжавшии закалаху и не раскаявахуся, и продающии я глаголаху: благословен Господь, и обогатихомся: и пастырие их не печахуся ни чимже о них. |
11:6 См.: 🔗Иер. 13:14 🔗Иез. 5:11 | Сего ради не пощажду ктому на живущих на земли, глаголет Господь: и се, Аз предам человеки, коегождо в руце искреннему его и в руце царю своему: и изсекут землю, и не имам изяти от руки их. |
11:7 | И упасу овцы заколения в земли Ханаани: и прииму Себе два жезла, единаго нарекох доброту, а другаго нарекох уже, и упасу овцы. |
11:8 См.: 🔗Иер. 18:18 | И погублю три пастыри в месяц един, и отягчает душа Моя на ня: ибо души их рыкаху на Мя. |
11:9 См.: 🔗Иер. 15:2 | И рех: не имам пасти вас: умирающее да умрет, и изчезающее да изчезнет, и прочая да пояст кийждо плоть ближняго своего. |
11:10 | И прииму жезл Мой добрый и отвергу его еже разорити завет Мой, егоже завещах ко всем людем: |
11:11 | и разорится в день оный, и уразумеют Хананее овцы хранимыя Мне, зане слово Господне есть. |
11:12 См.: 🔗Мф. 26:15 | И реку к ним: аще добро пред вами есть, дадите мзду Мою, или отрецытеся. И поставиша мзду Мою тридесять сребреник. |
11:13 См.: 🔗Мф. 27:5 | И рече Господь ко мне: вложи я в горнило и смотри, аще искушено есть, имже образом искушен бых о них. И приях тридесять сребреник и вложих их в храм Господень в горнило. |
11:14 См.: 🔗Зах. 11:7 | И отвергох жезл вторый уже, еже разорити завет иже посреде Иуды и посреде Израиля. |
11:15 | И рече Господь ко мне: еще приими себе сосуды пастырски, пастыря неискусна: |
11:16 | зане, се, Аз воздвигну пастыря на землю: погибающаго не посетит и расточеннаго не имать взыскати, и сокрушеннаго не имать изцелити и здраваго не имать направити, и мяса избранных пояст и глезны их извиет. |
11:17 | О, пасущии суетная и оставльшии овец! Мечь на мышцу его и на око ему десное: мышца его изсыхающи изсхнет, и око ему десное ослепая ослепнет. |