Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 | Молитва Аввакума пророка с песнию. Господи, услышах слух Твой и убояхся: |
3:2 | Господи, разумех дела Твоя и ужасохся: посреде двою животну познан будеши: внегда приближитися летом, познаешися: внегда приити времени, явишися: внегда смутитися души моей во гневе, милость (Твою) помянеши. |
3:3 См.: 🔗Втор. 33:2 | Бог от юга приидет, и Святый из горы Приосененныя чащи: покры небеса добродетель Его, и хваления Его исполнь земля. |
3:4 См.: 🔗Исх. 24:17 | И сияние Его яко свет будет: рози в руках Его, и положи любовь державну крепости Своея. |
3:5 См.: 🔗Исх. 9:3 | Пред лицем Его предидет слово, и изыдет на поле при ногу Его. |
3:6 | Ста, и подвижеся земля: призре, и растаяша языцы: стрышася горы нуждею, и растаяша холми вечнии, шествия вечная Его, |
3:7 См.: 🔗Чис. 31:7 🔗Суд. 7:21 | за труд видеша селения Ефиопская, убоятся и кровы земли Мадиамския. |
3:8 См.: 🔗Исх. 14:25 🔗Исх. 15:3 | Еда в реках прогневаешися, Господи? Еда в реках ярость Твоя? Или в мори устремление Твое? Яко всядеши на кони Твоя, и яждение Твое спасение. |
3:9 См.: 🔗Нав. 3:16 | Наляцая налячеши лук Твой на скиптры, глаголет Господь: реками разсядется земля. |
3:10 См.: 🔗Пс. 45:4 🔗Пс. 76:19 | Узрят тя и поболят людие, расточая воды шествия Его: даде бездна глас свой, высота привидения своя: |
3:11 См.: 🔗Нав. 10:12 | воздвижеся солнце, и луна ста в чине своем: во свете стрелы Твоя пойдут, в блистании молний оружий Твоих. |
3:12 | Прещением умалиши землю и яростию низложиши языки. |
3:13 | Изшел еси во спасение людий Твоих, спасти помазанныя Твоя, вложил еси во главы беззаконных смерть, воздвигл еси узы даже до выи в конец: |
3:14 | разсекл еси во изступлении главы сильных, сотрясутся в ней: разверзут узды своя яко снедаяй нищий тай. |
3:15 | И навел еси на море кони Твоя, смущающыя воды многи. |
3:16 | Сохранихся, и убояся сердце мое от гласа молитвы устен моих, и вниде трепет в кости моя, и во мне смятеся крепость моя: почию в день скорби моея, да взыду в люди пришелствия моего. |
3:17 | Зане смоковь не плодопринесет, и не будет рода в лозах: солжет дело маслинное, и поля не сотворят яди: оскудеша овцы от пищи, и не будет волов при яслех. |
3:18 См.: 🔗Пс. 12:7 🔗Ис. 61:10 | Аз же о Господе возрадуюся, возвеселюся о Бозе спасе моем. |
3:19 См.: 🔗2Цар. 22:34 🔗Пс. 17:34 | Господь Бог мой сила моя, и учинит нозе мои на совершение, и на высокая возводит мя, еже победити ми в песни Его. |