Псалтирь, псалом 35

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 35
35:1	В конец, отроку Господню Давиду.
35:2 См.: 🔗Быт. 20:11	Глаголет пребеззаконный согрешати в себе: несть страха Божия пред очима его:
35:3 См.: 🔗4Цар. 17:9	яко ульсти пред ним обрести беззаконие свое, и возненавидети.
35:4	Глаголы уст его беззаконие и лесть: не восхоте разумети еже ублажити.
35:5 См.: 🔗Мих. 2:1 🔗Рим. 12:9	Беззаконие помысли на ложи своем: предста всякому пути неблагу, о злобе же не негодова.
35:6 См.: 🔗Пс. 56:11	Господи, на небеси милость Твоя, и истина Твоя до облак:
35:7 См.: 🔗Рим. 11:33 🔗Ион. 4:11 🔗1Кор. 9:9	правда Твоя яко горы Божия, судбы Твоя бездна многа: человеки и скоты спасеши, Господи.
35:8 См.: 🔗Иов. 36:11 🔗Пс. 16:8	Яко умножил еси милость Твою, Боже: сынове же человечестии в крове крилу Твоею надеятися имут.
35:9 См.: 🔗Ис. 25:6 🔗2Кор. 8:9 🔗Отк. 21:6	Упиются от тука дому Твоего, и потоком сладости Твоея напоиши я.
35:10	Яко у Тебе источник живота, во свете Твоем узрим свет.
35:11	Пробави милость Твою ведущым Тя и правду Твою правым сердцем.
35:12	Да не приидет мне нога гордыни, и рука грешнича да не подвижит мене.
35:13	Тамо падоша вси делающии беззаконие: изриновени быша, и не возмогут стати.