Книга Левит, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Лев. 5:11 🔗Лев. 6:14 🔗Неем. 13:9	Аще же душа принесет дар жертву Господу, мука пшенична да будет дар его, и да возлиет на ню елей, и возложит на ню ливан: жертва есть:
2:2 См.: 🔗Сир. 7:34 🔗Деян. 10:4 🔗Отк. 8:4	и да принесет ю к сыном Аароним жерцем, и возмет от нея полну горсть муки пшеничны с елеем и весь ливан ея, и да возложит жрец память ея на олтарь: жертва воня благоухания Господу:
2:3 См.: 🔗Чис. 18:9 🔗Сир. 7:33	и останок от жертвы Аарону и сыном его: святое святых от жертв Господних.
2:4	Аще же принесет дар жертву печену в пещи от муки пшеничны, хлебы пресны спряжены с елеем и опресноки помазаны елеем.
2:5 См.: 🔗1Пар. 9:31	Аще же жертва от сковрады дар твой, мука пшенична смешена со елеем, пресна да будут:
2:6	и да разломиши я на укрухи, и возлиеши на на елей: жертва есть Господу.
2:7	Аще же жертву от огнища дар твой, мука пшенична с елеем да сотворена будет:
2:8	и принесет жертву, юже аще сотворит от сих Господу, и да принесет к жерцу:
2:9 См.: 🔗Лев. 1:9	и приступив ко олтарю, да отимет жрец от жертвы память ея, и да возложит жрец на олтарь: приношение воня благовония Господу:
2:10	останок же от жертвы Аарону и сыном его: святая святых от приношений Господу.
2:11 См.: 🔗Лев. 6:17	Всяку жертву, юже аще приносите Господу, не сотворите квасну: всяк бо квас и всяк мед да не принесете от него, еже приносити Господу дар.
2:12 См.: 🔗Лев. 23:17	От начатков да принесете я Господу: на олтарь же да не вознесутся в воню благовония Господу.
2:13 См.: 🔗Мк. 9:49	И всяк дар жертвы вашея солию да осолится: да не отставите соли завета Господня от жертв ваших, во всяком даре вашем да принесете Господу Богу вашему соль.
2:14 См.: 🔗Нав. 5:11	Аще же принесеши жертву от начатков жит Господу, новы спряжены зелены класы истлачены Господу, и принесеши жертву от начатков жит:
2:15	и да возлиеши на ню елей, и да возложиши на ню ливан: жертва есть:
2:16	и да вознесет жрец память ея от спряженых с елеем, и весь ливан ея: принос есть Господу.