Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 См.: 🔗Иер. 11:13 | Виноград благолозен Израиль, плод обилен его: по множеству плодов его умножи требища, по благотам земли его возгради капища. |
10:2 | Разделиша сердца своя, ныне погибнут: Сам раскопает требища их, сокрушатся кумиры их. |
10:3 | Темже ныне рекут: несть царя в нас, яко не бояхомся Господа: царь же что сотворит нам? |
10:4 См.: 🔗Втор. 29:18 | Глаголяй словеса извинения ложная завещает завет: прозябнет суд аки троскот на лядине селней. |
10:5 См.: 🔗Ос. 8:5 | У телца Дому Онова возобитают живущии в Самарии, яко плакашася людие его о нем: и якоже разгневаша его, порадуются о славе его, яко преселися от них. |
10:6 См.: 🔗Ос. 5:13 | И связавше его, во Ассирию отведоша в дар царю Иариму: в дар Ефрем приимется, и усрамится Израиль о совете своем. |
10:7 См.: 🔗Ос. 9:6 | Отверже Самариа царя своего, аки хврастие на лицы воды. |
10:8 | Извергутся требища Онова согрешения Израилева, терние и волчец возникнут на требищих их: и рекут к горам: покрыйте ны: и холмом: падите на ны. |
10:9 См.: 🔗Ос. 9:9 | Отнележе холми, согреши Израиль: тамо сташа: не постигнет их на холме рать, на чада неправды. |
10:10 | Прииде наказати их по желанию Моему: и соберутся людие на ня, внегда наказатися им во двою неправдах своих. |
10:11 См.: 🔗Иер. 31:18 | Ефрем юница наученая, еже любити прение: Аз же найду на доброту выи ея, наступлю на Ефрема, умолчу о Иуде, укрепится себе Иаков. |
10:12 См.: 🔗Иер. 4:3 | Сейте себе в правду, соберите плод живота, просветите себе свет ведения, дондеже время, взыщите Господа, дондеже приидут вам жита правды. |
10:13 См.: 🔗Иер. 4:3 | Вскую премолчасте нечестие, и неправды его оымасте, изядосте плод лжив? Яко уповал еси на оружие твое, во множестве силы твоея. |
10:14 См.: 🔗Суд. 8:12 | И востанет пагуба в людех твоих, и вся ограды твоя погибнут, якоже (погибе) князь Саламан от дому Иеровоамля, во дни ратны матерь о чада разбиша: |
10:15 | тако сотворю вам, Доме Израилев, от лица неправды злоб ваших. |