Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 | Не хощу же вас не ведети, братие, яко отцы наши вси под облаком быша, и вси сквозе море проидоша: |
10:2 | и вси в Моисеа крестишася во облаце и в мори: |
10:3 | и вси тожде брашно духовное ядоша: |
10:4 См.: 🔗Исх. 17:6 | и вси тожде пиво духовное пиша, пияху бо от духовнаго последующаго камене: камень же бе Христос. |
10:5 См.: 🔗Чис. 14:23 🔗Чис. 26:65 | Но не во множайших их благоволи Бог, поражени бо быша в пустыни. |
10:6 См.: 🔗Чис. 11:4 | Сия же образи нам быша, яко не быти нам похотником злых, якоже и они похотеша. |
10:7 См.: 🔗Исх. 32:6 🔗Пс. 105:19 | Ни идолослужителе бывайте, якоже нецыи от них, якоже есть писано: седоша людие ясти и пити, и восташа играти. |
10:8 См.: 🔗Чис. 25:1 | Ниже соблудим, якоже нецыи от них соблудиша, и падоша во един день двадесять три тысящы. |
10:9 См.: 🔗Чис. 21:6 🔗Пс. 105:14 | Ни да искушаим Христа, якоже нецыи от них искусиша и от змий погибоша. |
10:10 См.: 🔗Чис. 14:37 | Ни ропщите, якоже нецыи от них ропташа и погибоша от всегубителя. |
10:11 См.: 🔗Рим. 15:4 | Сия же вся образи прилучахуся онем: писана же быша в научение наше, в нихже концы век достигоша. |
10:12 См.: 🔗Рим. 11:20 | Темже мняйся стояти да блюдется, да не падет. |
10:13 См.: 🔗2Пет. 2:9 🔗Евр. 12:4 | Искушение вас не достиже, точию человеческое: верен же Бог, Иже не оставит вас искуситися паче, еже можете, но сотворит со искушением и избытие, яко возмощи вам понести. |
10:14 | Темже, братие моя возлюбленная, бегайте от идолослужения. |
10:15 См.: 🔗1Кор. 1:5 | Яко мудрым глаголю: судите вы, еже глаголю: |
10:16 См.: 🔗Мф. 26:26 🔗Деян. 2:42 | чаша благословения, юже благословляем, не общение ли Крове Христовы есть? Хлеб, егоже ломим, не общение ли Тела Христова есть? |
10:17 См.: 🔗Ин. 6:33 | Яко един хлеб, едино тело есмы мнози: вси бо от единаго хлеба причащаемся. |
10:18 См.: 🔗Лев. 7:15 | Видите Израиля по плоти: не ядущии ли жертвы общницы олтареви суть? |
10:19 См.: 🔗1Кор. 8:4 | Что убо глаголю? Яко идол что есть? Или идоложертвенное что есть? |
10:20 См.: 🔗Втор. 32:17 | Но зане, яже жрут языцы, бесом жрут, а не Богови: не хощу же вас общников быти бесом. |
10:21 См.: 🔗2Кор. 6:15 | Не можете чашу Господню пити и чашу бесовскую: не можете трапезе Господней причащатися и трапезе бесовстей. |
10:22 | Или раздражаем Господа? Еда крепчайши Его есмы? |
10:23 См.: 🔗1Кор. 6:12 | Вся ми леть суть, но не вся на пользу: вся ми леть суть, но не вся назидают. |
10:24 См.: 🔗Рим. 15:2 | Никтоже своего си да ищет, но еже ближняго кийждо. |
10:25 | Все, еже на торжищи продаемое, ядите, ничтоже сумнящеся, за совесть: |
10:26 См.: 🔗Пс. 23:1 🔗Втор. 10:14 | Господня бо земля и исполнение ея. |
10:27 | Аще ли кто от неверных призывает вы, и хощете ити, все предлагаемое вам ядите, ничтоже сумнящеся, за совесть. |
10:28 См.: 🔗Пс. 23:1 | Аще ли же кто вам речет: сие идоложертвенно есть: не ядите за оного поведавшаго, и совесть: Господня бо земля и исполнение ея. |
10:29 | Совесть же глаголю не свою, но другаго: вскую бо свобода моя судится от иныя совести? |
10:30 См.: 🔗Рим. 14:6 | Аще аз благодатию причащаюся, почто хулу приемлю, о немже аз благодарю? |
10:31 См.: 🔗Кол. 3:17 | Аще убо ясте, аще ли пиете, аще ли ино что творите, вся во славу Божию творите. |
10:32 | Безпреткновени бывайте Иудеем и Еллином и церкви Божией, |
10:33 См.: 🔗Рим. 15:2 | якоже и аз во всем всем угождаю, не иский своея пользы, но многих, да спасутся. |