Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 | Быша же и лживии пророцы в людех, якоже и в вас будут лживии учителие, иже внесут ереси погибели, и искупльшаго их Владыки отметающеся, приводяще себе скору погибель. |
2:2 См.: 🔗2Тим. 4:3 | И мнози последствуют их нечистотам, ихже ради путь истинный похулится. |
2:3 См.: 🔗Рим. 16:18 | И в преумножении льстивых словес вас уловят: ихже суд искони не коснит, и погибель их не дремлет. |
2:4 | Аще бо Бог аггелов согрешивших не пощаде, но пленицами мрака связав, предаде на суд мучимых блюсти: |
2:5 См.: 🔗Быт. 7:7 | и перваго мира не пощаде, но осмаго Ноа правды проповедника сохрани, потоп миру нечествовавших наведе: |
2:6 См.: 🔗Быт. 19:24 | и грады Содомския и Гоморрския сжег, разорением осуди, образ хотящым нечествовати положив: |
2:7 См.: 🔗Быт. 19:5 | и праведнаго Лота, обидима от беззаконных в нечистоте сожития, избави. |
2:8 См.: 🔗Иез. 9:4 | Видением бо и слухом праведный, живый в них, день от дне душу праведну беззаконными делы мучаше: |
2:9 См.: 🔗Пс. 90:15 🔗1Кор. 10:13 | весть Господь благочестивыя от напасти избавляти, неправедники же на день судный мучимы блюсти, |
2:10 См.: 🔗Иуд. 1:8 | наипаче же вслед плотския похоти сквернения ходящыя и о господстве нерадящыя: продерзателе, себе угодницы, славы не трепещут хуляще: |
2:11 См.: 🔗Иуд. 1:9 | идеже Ангели крепостию и силою больши суще, не терпят на ся от Господа укоризнен суд. |
2:12 | Сии же, яко скоти животни естеством бывше в погибель и тлю, в нихже не разумеют хуляще, во истлении своем истлеют, |
2:13 См.: 🔗Рим. 16:18 🔗Флп. 3:19 | приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами, |
2:14 См.: 🔗1Тим. 6:10 | очи имуще исполнь блудодеяния и непрестаемаго греха, прельщающе душы неутверждены, сердце научено лихоимству имуще, клятвы чада: |
2:15 См.: 🔗Иуд. 1:11 | оставльше правый путь заблудиша, последовавше пути Валаама Восорова, иже мзду неправедну возлюби, |
2:16 См.: 🔗Чис. 22:23 | обличение же име своего беззакония: подъяремник безгласен, человеческим гласом провещавшь, возбрани пророка безумие. |
2:17 См.: 🔗Иуд. 1:12 | Сии суть источницы безводни, облацы и мглы от ветр преносими, имже мрак темный во веки блюдется. |
2:18 | Прегордая бо суеты вещающе, прельщают в скверны плотския похоти, отбегающих всячески от них живущих во льсти, |
2:19 См.: 🔗Ин. 8:34 🔗Рим. 6:16 | свободу им обещавающе, сами раби суще тления: имже бо кто побежден бывает, сему и работен есть. |
2:20 См.: 🔗Мф. 12:45 🔗Лк. 11:26 | Аще бо отбегше скверн мира в разум Господа и Спаса нашего Иисуса Христа, сими же паки сплетшеся побеждаеми бывают, быша им последняя горша первых. |
2:21 См.: 🔗Ин. 15:22 | Лучше бо бе им не познати пути правды, нежели познавшым возвратитися вспять от преданныя им святыя заповеди. |
2:22 См.: 🔗Прит. 26:11 | Случися бо им истинная притча: пес возвращься на свою блевотину, и: свиния, омывшися, в кал тинный. |