Песнь песней Соломона, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1	Аз цвет польный и крин удольный.
2:2 См.: 🔗Ис. 53:2 🔗Иер. 33:15	Якоже крин в тернии, тако искренняя моя посреде дщерей.
2:3 См.: 🔗Пс. 90:1 🔗Отк. 2:7 🔗Отк. 22:2	Яко яблонь посреде древес лесных, тако брат мой посреде сынов: под сень его восхотех и седох, и плод его сладок в гортани моем.
2:4 См.: 🔗Пс. 35:9	Введите мя в дом вина, вчините ко мне любовь:
2:5	утвердите мя в мирех, положите мя во яблоцех: яко уязвлена (есмь) любовию аз.
2:6 См.: 🔗Песн. 8:3	Шуйца его под главою моею, и десница его оымет мя.
2:7 См.: 🔗Песн. 3:5 🔗Песн. 8:4	Заклях вас, дщери Иерусалимли, в силах и крепостех села: аще возставите и возбудите любовь, дондеже восхощет.
2:8 См.: 🔗Ин. 10:19	Глас брата моего: се, той идет, скача на горы и прескача на холмы.
2:9	Подобен есть брат мой серне или младу еленю на горах вефильских. Се, сей стоит за стеною нашею, проглядаяй оконцами, приницаяй сквозе мрежи.
2:10	Отвещает брат мой и глаголет мне: востани, прииди, ближняя моя, добрая моя, голубице моя.
2:11	Яко се, зима прейде, дождь отиде, отиде себе:
2:12	цвети явишася на земли, время обрезания приспе, глас горлицы слышан в земли нашей:
2:13 См.: 🔗Лк. 21:30	смоквь изнесе цвет свой, виногради зреюще даша воню. Востани, прииди, ближняя моя, добрая моя, голубице моя, и прииди.
2:14 См.: 🔗Песн. 1:14 🔗Песн. 6:9 🔗Песн. 8:13 🔗Мф. 10:16	Ты, голубице моя, в покрове каменне, близ предстения: яви ми зрак твой, и услышан сотвори ми глас твой: яко глас твой сладок, и образ твой красен.
2:15 См.: 🔗Иез. 13:4 🔗Лк. 13:32	Имите нам лисы малыя, губящыя винограды: и виногради наши созревают.
2:16 См.: 🔗Песн. 6:2 🔗Песн. 7:11	Брат мой мне, и аз ему, пасый в кринах,
2:17 См.: 🔗Песн. 4:6	дондеже дхнет день, и двигнутся сени. Обратися, уподобися ты, брате мой, серне или младу еленю на горах юдолий.