Книга Числа, глава 26

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 26
26:1	И бысть но язве, и рече Господь к Моисею и Елеазару жерцу, глаголя:
26:2 См.: 🔗Чис. 1:2	возми начало всего сонма сынов Израилевых от двадесяти лет и вышше, но домом отечеств их, всяк исходяй вооружитися во Израили.
26:3 См.: 🔗Чис. 33:50	И глагола Моисей и Елеазар жрец к ним во Аравофе Моавли при Иордане у Иерихона, глаголя:
26:4	от двадесяти лет и вышше, якоже заповеда Господь Моисею: и сынове Израилтестии изшедшии из Египта:
26:5 См.: 🔗Быт. 46:8	Рувим первенец Израилев. Сынове же Рувимли: Енох и сонм Енохов, Фаллу сонм Фаллов,
26:6	Асрону сонм Асронов, Харму сонм Хармиин.
26:7	Сии сонми Рувимли: и бысть соглядание их четыредесять три тысящы и шесть сот и тридесять.
26:8	И сынове Фалловы Елиав.
26:9 См.: 🔗Чис. 16:1	И сынове Елиавли Намуил и Дафан и Авирон: сии нарочитии сонму: сии суть воставше на Моисеа и Аарона в сонме Кореове в крамоле на Господа:
26:10 См.: 🔗Чис. 16:31	и отверзши земля уста своя пожре их и Кореа в смерти сонма его, егда пояде огнь двести и пятьдесят, и быша в знамение.
26:11 См.: 🔗Чис. 16:32	Сынове же Кореовы не измроша.
26:12 См.: 🔗Быт. 46:10	И сынове Симеони, сонм сынов Симеоних: Намуилу сонм Намуилов, Иамину сонм Иаминов, Иахину сонм Иахинов,
26:13	Заре сонм Зарин, Саулу сонм Саулов.
26:14	Сии сонми Симеони от соглядания их двадесять две тысящы и двести.
26:15	Сынове же Иудины Ир и Авнан и Силом, и Фарес и Зара: и умре Ир и Авнан в земли Ханаани.
26:16	И быша сынове Иудины по сонмом своим: Силому сонм Силомль, Фаресу сонм Фаресов, Заре сонм Зарин.
26:17	И быша сынове Фаресовы: Асрону сонм Асронов, Иамуилу сонм Иамуилов.
26:18	Сии сонми Иудины по согляданию их седмьдесят шесть тысящ и пять сот.
26:19 См.: 🔗Быт. 38:3	И сынове Иссахаровы по сонмом своим: Фоле сонм Фолин Фуеви сонм Фуин,
26:20 См.: 🔗Быт. 38:5	Иасуву сонм Иасувин, Амвраму сонм Амврамль.
26:21 См.: 🔗Быт. 46:12 🔗1Пар. 2:5	Сии сонми Иссахаровы но согляданию их шестьдесят и четыри тысящы и четыреста.
26:22	Сынове Завулони по сонмом своим: Сареду сонм Саредин, Аллону сонм Аллонин, Аллилу сонм Аллилин.
26:23 См.: 🔗Быт. 46:13	Сии сонми Завулони по согляданию их шестьдесят тысящ и пять сот.
26:24	Сынове Гадовы по сонмом их: Сафону сонм Сафонин, Аггину сонм Аггинов, Сунину сонм Сунинов,
26:25	Азену сонм Азенин, Адду сонм Аддин,
26:26 См.: 🔗Быт. 46:14	Ароаду сонм Ароадин, Ариилу сонм Арииль.
26:27	Сии сонми сынов Гадовых но согляданию их четыредесять и четыри тысящы и пять сот.
26:28	Сынове Асировы по сонмом их: Иамину сонм Иаминов, Иесую сонм Иесуинь,
26:29 См.: 🔗Нав. 17:1	Вариаю сонм Вариаинь, Ховеру сонм Ховерин, Мелхиилу сонм Мелхиилин,
26:30	имя же дщери Асирове Сара,
26:31	сии сонми Асировы но согляданию их четыредесять три тысящи и четыреста.
26:32	Сынове Иосифли по сонмом их: Манассиа и Ефрем.
26:33 См.: 🔗Нав. 17:3	Сынове Манассиины: Махиру сонм Махирин: и Махир роди Галаада, Галааду сонм Галаадин.
26:34	И сии сынове Галаадины: Ахиезеру сонм Ахиезеров, Хелеку сонм Хелеков,
26:35	Есриилу сонм Есриилов, Сихему сонм Сихемль,
26:36	Симаеру сонм Симаерин, и Оферу сонм Оферов.
26:37	И Салпааду сыну Оферову не быша ему сынове, но токмо дщери. И сия имена дщерем Салпаадовым: Маала и Нуа, и Егла и Мелха и Ферса.
26:38	Сии сонми Манассиины по согляданию их пятьдесят и две тысящы и седмь сот.
26:39	И сии сынове Ефремли: Суфалу сонм Суфалин, Танаху сонм Танахин.
26:40	Сии сынове Суфаловы: Едену сонм Еденин.
26:41	Сии сонми Ефремли по согляданию их тридесять две тысящы и пять сот. Сии сонми сынов Иосифовых по сонмом их.
26:42	Сынове Вениамини по сонмом их: Валу сонм Валин, Асивиру сонм Асивиров, Иахирану сонм Иахиранин, Софану сонм Софанин.
26:43	И быша сынове Валу Адерь и Ноеман:
26:44	Адеру сонм Адерин, и Ноеману сонм Ноеманин.
26:45	Сии сынове Вениамини по сонмом их по согляданию их четыредесять и пять тысящ и шесть сот.
26:46	И сынове Дановы по сонмом их: Самею сонм Самеин: сии сонми Дановы но сонмом их.
26:47	Вси сонми Самеини по согляданию их шестьдесят четыри тысящы и четыреста.
26:48	Сынове Неффалимли по сонмом их: Асиилу сонм Асиилев, Гоину сонм Гоинин,
26:49	Иесрию сонм Иесриев, Селлиму сонм Селлимов.
26:50	Сии сонми Неффалимли по согляданию их четыредесять пять тысящ и четыреста.
26:51	Сие соглядание сынов Израилевых шесть сот едина тысяща и седмь сот тридесять.
26:52	И рече Господь к Моисею, глаголя:
26:53	сим разделится земля в наследие по числу имен:
26:54	множайшым да умножиши наследие, и малейшым да умалиши наследие их: коемуждо, якоже суть соглядани, да дастся наследие их:
26:55	по жребием да разделится земля именам, по племенем отечеств своих да наследят:
26:56	от жребия да разделиши наследие их между многими и малыми.
26:57 См.: 🔗Быт. 46:11 🔗Исх. 6:16 🔗Чис. 3:17 🔗1Пар. 6:1 🔗1Пар. 23:6	И сынове Левиини но сонмом их: Гирсону сонм Гирсонов, Каафу сонм Каафов, Мераре сонм Мерарин.
26:58	Сии сонми сынов Левииных: сонм Ловенин, сонм Хевронин, и сонм Мусин, и сонм Кореов. И Кааф роди Амрама.
26:59 См.: 🔗Исх. 2:2 🔗Исх. 6:20 🔗1Пар. 23:13	Имя же жене Амрамли Иохавеф, дщи Левиина, яже роди сих Левии во Египте, и роди Амраму Аарона и Моисеа и Мариам сестру их.
26:60	И родишася Аарону Надав и Авиуд, и Елеазар и Ифамар.
26:61 См.: 🔗Лев. 10:1 🔗Чис. 3:4 🔗1Пар. 24:2	И умре Надав и Авиуд, егда принесоста огнь чуждий пред Господем в пустыни Синайстей.
26:62	И быша от соглядания их двадесять три тысящы, всяк мужеск пол от единаго месяца и вышше: не быша бо соглядани посреде сынов Израилевых, яко не дадеся им жребий посреде сынов Израилевых.
26:63	И сие соглядание Моисеа и Елеазара жерца, иже соглядаша сынов Израилевых во Аравофе Моавли, у Иордана при Иерихоне.
26:64	И в сих не бяше человек от согляданых Моисеом и Аароном, ихже соглядаша сынов Израилевых в пустыни Синайстей.
26:65 См.: 🔗Чис. 14:28 🔗Чис. 32:10 🔗Втор. 1:35 🔗Пс. 105:26 🔗1Кор. 10:5	Понеже рече Господь им: смертию измрут в пустыни. И не остася от них ни един, кроме Халева сына Иефонниина и Иисуса сына Навина.