Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 58 | |
58:1 См.: 🔗1Цар. 19:11 | В конец, да не растлиши, Давиду в столпописание, внегда посла Саул и стреже дом его, еже умертвити его. |
58:2 | Изми мя от враг моих, Боже, и от востающих на мя избави мя: |
58:3 | избави мя от делающих беззаконие, и от муж кровей спаси мя. |
58:4 См.: 🔗Пс. 55:7 | Яко се, уловиша душу мою, нападоша на мя крепцыи: ниже беззаконие мое, ниже грех мой, Господи: |
58:5 См.: 🔗Пс. 43:24 | без беззакония текох и исправих: востани в сретение мое и виждь. |
58:6 См.: 🔗Ис. 26:21 | И Ты, Господи Боже сил, Боже Израилев, вонми посетити вся языки: да не ущедриши вся делающыя беззаконие. |
58:7 | Возвратятся на вечер, и взалчут яко пес, и обыдут град. |
58:8 См.: 🔗Прит. 25:18 | Се, тии отвещают усты своими, и мечь во устнах их: яко кто слыша? |
58:9 См.: 🔗Пс. 2:4 🔗Пс. 36:13 | И Ты, Господи, посмеешися им, уничижиши вся языки. |
58:10 См.: 🔗Пс. 53:9 | Державу мою к Тебе сохраню: яко Ты, Боже, заступник мой еси. |
58:11 | Бог мой, милость Его предварит мя: Бог мой, явит мне на вразех моих. |
58:12 | Не убий их, да не когда забудут закон Твой: расточи я силою Твоею и низведи я, защитниче мой, Господи, |
58:13 См.: 🔗Пс. 35:4 | грех уст их, слово устен их: и яти да будут в гордыни своей, и от клятвы и лжи возвестятся в кончине, |
58:14 См.: 🔗Пс. 55:8 | во гневе кончины, и не будут: и уведят, яко Бог владычествует Иаковом и концы земли. |
58:15 | Возвратятся на вечер, и взалчут яко пес, и обыдут град: |
58:16 См.: 🔗Ам. 8:11 | тии разыдутся ясти: аще ли же не насытятся, и поропщут. |
58:17 | Аз же воспою силу Твою и возрадуюся заутра о милости Твоей: яко был еси заступник мой и прибежище мое в день скорби моея. |
58:18 | Помощник мой еси, Тебе пою: яко Бог заступник мой еси, Боже мой, милость моя. |