Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 19 | |
19:1 | И рече Господь к Моисею и Аарону, глаголя: |
19:2 См.: 🔗Евр. 9:13 🔗2Кор. 5:21 | се, расположение закона, елика заповеда Господь, глаголя: глаголи сыном Израилевым, и да приведут к тебе юницу рыжу непорочну, яже не имать на себе порока, и на нюже не бе возложено иго: |
19:3 | и даси ю ко Елеазару жерцу: и да изведут ю вне полка на место чисто, и да заколют ю пред ним: |
19:4 См.: 🔗Евр. 9:13 🔗1Пет. 1:2 | и да возмет Елеазар от крове ея и да покропит спреди скинии свидения от крове ея седмижды: |
19:5 | и да сожгут ю пред ним, и кожу ея и мяса ея и кровь ея с мотылы ея да сожгут: |
19:6 См.: 🔗Лев. 14:4 | и да возмет жрец древо кедрово, и иссоп, и соскание червленое, и да вложат в средину сожжения юницы: |
19:7 См.: 🔗Лев. 11:24 🔗Чис. 8:7 | и да измыет ризы своя жрец и да омыет тело свое водою, и потом да внидет в полк, и нечист будет жрец до вечера: |
19:8 | и иже сожигает ю, да исперет ризы своя и да омыет тело свое водою, и нечист будет до вечера: |
19:9 | и да соберет чистый человек пепел юницы и да изнесет вне полка на место чисто, и да будет сонму сынов Израилевых в сохранение: вода окропления очищение есть: |
19:10 См.: 🔗Исх. 27:21 | и собираяй пепел юницы да исперет ризы своя, и нечист будет до вечера: и да будет сыном Израилевым и пришелцем прилежащым посреде вас законно вечно. |
19:11 См.: 🔗Сир. 34:28 | Прикасаяйся мертвому всякия души человечи нечист будет седмь дний: |
19:12 | сей да очистится (сею водою) в день третий и в день седмый, и чист будет: аще же не очистится ею в день третий и в день седмый, нечист будет. |
19:13 См.: 🔗Ис. 52:11 | Всяк прикасаяйся мертвому от всякия души человечи, аще умрет, и не очистится, скинию Господню оскверни: потребится душа та от Израиля, яко вода окропления не воскропися нань, нечист есть, еще нечистота его на нем есть. |
19:14 | И сей закон: человек аще умрет в дому, всяк входяй в дом, и елика суть в дому, нечиста будут седмь дний. |
19:15 | И всяк сосуд непокровен, и елики обвязанием не обвязаны, нечисти суть. |
19:16 См.: 🔗Чис. 31:19 | И всяк иже аще прикоснется на поли язвенному, или мертвому, или кости человечи, или гробу, седмь дний нечист будет: |
19:17 | и да возмут нечистому от пепела сожженнаго очищения, и да возлиют нань воду живу в сосуд: |
19:18 См.: 🔗Исх. 12:22 🔗Лев. 14:4 | и да возмет иссоп и омочит в воду муж чист, и да воскропит на дом и на сосуды и на душы, елики суть тамо, и на коснувшася кости человечей, или язвенному, или мертвечине, или гробу: |
19:19 | и да воскропит чистый на нечистаго в день третий и в день седмый, и очистится седмаго дне: и да исперет ризы своя и да омыет тело свое водою, и нечист будет до вечера. |
19:20 См.: 🔗Евр. 10:26 | И человек, иже аше осквернится, и не очистит себе, потребится душа та от среды сонма, яко святая Господня осквернави , яко вода окропления не воскропися Нань, нечист есть. |
19:21 | И да будет вам законно вечно, и окропляяй водою окропления да исперет ризы своя, и прикасаяся воде окропления нечист будет до вечера. |
19:22 | И всякое, емуже прикоснется нечистый, нечисто будет: и душа прикасающаяся нечиста будет до вечера. |