Книга пророка Иезекииля, глава 26

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 26
26:1	И бысть во единонадесятое лето, в первый день месяца, бысть слово Господне ко мне глаголя:
26:2 См.: 🔗Ис. 23:1 🔗Иер. 47:4	сыне человечь, понеже рече Сор на Иерусалима: благоже, сокрушися, погибоша языцы, обратися ко мне, иже бе исполненый, опусте:
26:3 См.: 🔗Ис. 8:7	того ради сия глаголет Адонаи Господь: се, Аз на тя, Сор, и приведу на тя языки многи, якоже восходит море волнами своими.
26:4	И обвалят стены Сора и разорят столпы твоя, и развею прах его из него и дам его во гладок камень.
26:5	Сушение мрежей будет среде моря, яко Аз глаголах, глаголет Адонаи Господь: и будет на пленение языком,
26:6 См.: 🔗Иез. 25:7	и дщери его, яже на поли, мечем убиены будут, и уведят, яко Аз Господь.
26:7 См.: 🔗Иез. 28:7 🔗Дан. 2:37	Яко сия глаголет Адонаи Господь: се, Аз наведу на тя, Сор, Навуходоносора царя Вавилонска от севера, царь царем есть, с коньми и колесницами и с конниками и собранием многих языков зело:
26:8	сей дщери твоя на поли мечем избиет, и приставит на тя стражбу и оградит тя, и окопает тя ровом и сотворит окрест тебе острог, и обставит оружием и копия своя прямо тебе поставит,
26:9 См.: 🔗Иез. 4:2 🔗Иез. 21:22	стены твоя и пирги твоя разорит оружием своим:
26:10	от множества коней его покрыет тя прах их, и от ржания коней его и от колес колесниц его потрясутся стены твоя, входящу ему во врата твоя, аки входящу во град с поля:
26:11	копытами коней своих поперут вся стогны твоя: люди твоя мечем изсечет, и состав крепости твоея на земли повержет,
26:12	и пленит силу твою, и возмет имения твоя, и разсыплет стены твоя, и домы твоя вожделенныя разорит, и древа твоя и камение твое и персть твою среде моря ввержет,
26:13 См.: 🔗Ис. 24:8 🔗Иер. 7:34	и упразднит множество мусикий твоих, и глас певниц твоих не услышится в тебе ктому.
26:14 См.: 🔗Иез. 26:4	И дам тя во камень гладок, сушение мрежное будеши, не соградишися ктому, яко Аз глаголах, глаголет Адонаи Господь.
26:15 См.: 🔗Иез. 24:21	Яко сия глаголет Адонаи Господь Сору: не от гласа ли падения твоего, егда возстенут язвении твои, егда извлечется мечь посреде тебе, потрясутся острови?
26:16 См.: 🔗Отк. 18:9	И снидут со престол своих вси князи язык морских, и свергут венцы со глав своих, и ризы своя испещренныя совлекут с себе, ужасом ужаснутся: на земли сядут, и убоятся погибели своея, и возстенут о тебе,
26:17 См.: 🔗Ос. 9:13	и приимут о тебе плачь, глаголюще: како погибл и разсыпался еси от моря, граде хвалимый, иже был еси крепок на мори, ты и живущии в тебе, иже даял еси страх твой всем живущым в тебе?
26:18	И убоятся (вси) острови от дне падения твоего, и смятутся острови в мори от исхода твоего.
26:19	Яко сия глаголет Адонаи Господь: егда дам тя град опустевшь, якоже грады ненаселены никогдаже, внегда возведу на тя бездну, и покрыет тя вода многа:
26:20 См.: 🔗Иез. 28:8 🔗Иез. 31:14 🔗Пс. 142:7	и сведу тя к низходящым в пропасть к людем века, и вселю тя во глубинах земных, яко пустыню вечную с низходящими в пропасть, яко да не населишися, ниже востанеши на земли живота:
26:21	на пагубу тя отдам, и не будеши ктому, и взыщешися и не обрящешися во век, глаголет Адонаи Господь.