Книга пророка Осии, глава 12

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 12
12:1 См.: 🔗Ос. 5:13 🔗Ос. 7:11	Ефрем же зол дух, гоняше зной весь день: тщетная и суетная умножи, и завет со Ассирианы завеща, и елей во Египет посылаше.
12:2 См.: 🔗Ос. 4:9	И суд Господеви ко Иуде, еже отмстити Иакова: по путем его и по начинанием его воздаст ему.
12:3 См.: 🔗Быт. 25:26 🔗Быт. 32:24	Во утробе запя брата своего и труды своими укрепе к Богу:
12:4	и укрепе со Ангелом и превозможе. Плакашася и молишася ми: в дому Онове обретоша мя, и ту глаголася к ним.
12:5 См.: 🔗Исх. 3:15	Господь же Бог Вседержитель будет память Его.
12:6	И ты о Бозе своем обратишися, милость и суд снабди, и приближайся к Богу своему присно.
12:7	Ханаан, в руце его мерило неправды, насильствовати возлюби.
12:8 См.: 🔗Отк. 3:17	И рече Ефрем: обаче обогатех, обретох прохлаждение себе: вси труды его не обрящутся ему ради неправд, имиже согреши.
12:9 См.: 🔗Ис. 43:11 🔗Ос. 13:4	Аз же Господь Бог твой, изведох тя из земли Египетски: еще вселю тя в кущах, якоже во дни праздника.
12:10 См.: 🔗Евр. 1:1	И глаголах ко пророком, и аз видения умножих, и в руках пророческих уподобихся.
12:11 См.: 🔗Ос. 9:15	Аще не Галаад есть, убо ложни быша во Галгалех князи требы кладуще, и требища их якоже желви на целизне польстей.
12:12 См.: 🔗Быт. 28:5 🔗Быт. 29:20	И отиде Иаков на поле Сирийско, и работа Израиль о жене и о жене снабде.
12:13 См.: 🔗Исх. 3:10 🔗Исх. 12:37 🔗Евр. 3:16	И пророком изведе Господь Израиля из земли Египетския, и пророком снабдеся.
12:14	Разгнева Мя Ефрем и возяри Мя: и кровь его на нем пролиется, и укоризну его воздаст ему Господь.