Вторая книга Паралипоменон (Вторая книга Хроник, Вторая Летопись), глава 33

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 33
33:1 См.: 🔗4Цар. 21:1	Дванадесяти лет бе Манассиа, егда царствовати нача, и пятьдесят пять лет царствова во Иерусалиме:
33:2 См.: 🔗Втор. 18:9	сотвори же лукавое пред Господем по всем мерзостем языческим, ихже истреби Господь от лица сынов Израилевых:
33:3 См.: 🔗4Цар. 21:3 🔗Исх. 34:13 🔗Деян. 7:42	и возврати и созда высокая, яже раскопа Езекиа отец его, и сострои кумиры Ваалиму, и сотвори дубравы, и поклонися всему воинству небесному, и послужи им,
33:4 См.: 🔗Втор. 12:11 🔗3Цар. 8:29 🔗Иер. 32:34	и созда олтари в дому Господни, о немже глагола Господь: во Иерусалиме будет имя Мое во веки:
33:5 См.: 🔗Втор. 4:19	созда же жертвенники всему воинству небесному во двою дворех дому Господня.
33:6 См.: 🔗Лев. 18:21 🔗Лев. 19:26 🔗Лев. 20:2	Той же проведе чада своя чрез огнь во удоли Веенномли и вражаше (со жребии), и последоваше гаданием, и волхвованием служаше, и имеяше чревоволшебники и обаянники, и многа лукавая сотвори пред Господем, да прогневает Его:
33:7 См.: 🔗4Цар. 21:7 🔗3Цар. 9:3	истуканы же и слиянны образы сотвори и постави в дому Божии, о немже глагола Бог к Давиду и к Соломону сыну его: в дому сем и во Иерусалиме, егоже избрах от всех колен Израилевых, положу имя Мое во век,
33:8 См.: 🔗2Цар. 7:10 🔗3Цар. 8:16 🔗4Цар. 21:8	и не приложу подвигнути ногу Израилеву от земли, юже предах отцем их, токмо аще сохранят сотворити вся, яже повелех им, по всему закону и повелением и судбам, рукою Моисеовою.
33:9 См.: 🔗4Цар. 21:9	И прельсти Манассиа Иуду и живущих во Иерусалиме, да сотворят лукавое паче всех язык, ихже испроверже Господь от лица сынов Израилевых.
33:10	И глагола Господь к Манассии и к людем его, и не послушаша.
33:11	И наведе Господь на них началники воев царя Ассирийска, и яша Манассию во узах, и связаша его оковы ножными, и отведоша в Вавилон.
33:12	И егда озлоблен бысть, взыска лице Господа Бога своего, и смирися зело пред лицем Бога отец своих,
33:13 См.: 🔗Дан. 4:33	и помолися к Нему и послуша его, и услыша вопль его, и возврати его во Иерусалим на царство его: и позна Манассиа, яко Господь Той есть Бог.
33:14 См.: 🔗Неем. 3:3 🔗2Пар. 27:3	И по сих созда стену вне града Давидова от Ливы к югу в потоце и ко входу врат Рыбных, исходящым вратами сущими окрест в высоту, и возвыси зело: и постави началники воем во всех градех Иудиных стенатых,
33:15	и отят боги чуждыя и идолы от дому Господня, и вся олтари, яже созда в горе дому Господня и во Иерусалиме, и изверже вся вон из града.
33:16	И паки воздвиже олтарь Господень, и пожре на том жертву спасения и хваления, и заповеда Иуде, да служат Господу Богу Израилеву.
33:17	Но еще людие жряху на высоких, обаче Господу Богу своему.
33:18 См.: 🔗4Цар. 21:16	Прочая же словес Манассииных, и молитва его, яже к Богу, и словеса провидящих, иже глаголаху к нему во имя Господа Бога Израилева,
33:19	се, во словесех молитвы его, и яко услыша его, и вси греси его и отступления его, и места, на нихже созида высокая, и сотвори тамо Дубравы и изваянная, прежде неже обратитися ему, се, писана суть во словесех провидящих.
33:20 См.: 🔗4Цар. 21:18	Успе же Манассиа со отцы своими, и погребоша его в саду дому его. И воцарися вместо его сын его Амон.
33:21	Двадесяти дву лет бе Амон, егда царствовати нача, и два лета царствова во Иерусалиме,
33:22	и сотвори лукавое пред Господем, якоже творяше Манассиа отец его, и всем идолом, ихже сотвори Манассиа отец его, пожре Амон и послужи им:
33:23	и не смирися пред Господем, якоже смирися Манассиа отец его, зане сын его Амон умножи грехи.
33:24	И нападоша нань раби его и убиша его в дому его.
33:25 См.: 🔗4Цар. 21:24	И убиша людие земли нападших на царя Амона, и поставиша людие земли царя Иосию сына его вместо его.