Книга Екклезиаста, или Проповедника, глава 8

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 8
8:1 См.: 🔗Прит. 17:24	Мудрость человека просветит лице его, а безстудный возненавиден будет лицем своим.
8:2 См.: 🔗Прит. 24:21	Уста царева сохрани, и о словеси клятвы Божия не скор буди.
8:3	От лица его пойдеши, не стани во словеси лукавне, яко все, еже (аще) восхощет, сотворит,
8:4 См.: 🔗Дан. 4:32	якоже царь обладаяй, и кто речет ему: что твориши?
8:5 См.: 🔗Рим. 13:3	Храняй заповедь не увесть глагола лукавна: и время суда весть сердце мудраго,
8:6 См.: 🔗Еккл. 3:1	яко всяцей вещи есть время и суд: яко разум человека мног (есть) на нем,
8:7 См.: 🔗Еккл. 6:12	яко несть ведящаго, что будущее: зане якоже будет, кто возвестит ему?
8:8 См.: 🔗Иов. 14:5 🔗Пс. 38:6	Несть человека владущаго духом, еже возбранити духу: и несть владущаго в день смерти, и несть посла в день брани: и не спасет нечестие сущаго в нем.
8:9	И все сие видех, и вдах сердце мое во все сотворение, еже сотворено есть под солнцем, вся, во еликих обладан есть человек над человеком, еже озлобити его.
8:10 См.: 🔗Лев. 21:4 🔗Пс. 48:18	И тогда видех нечестивыя во гробы внесены, и от святаго: и идоша и похвалени быша во граде, яко сице сотвориша. И сие суета.
8:11 См.: 🔗Пс. 70:5	Яко несть пререкания бывающаго творящым лукавое вскоре: сего ради уверися сердце сынов человеческих в них, еже сотворити лукавое.
8:12	Иже согреши, сотворил есть лукавое, оттоле, и от долготы их: ибо и вем аз, яко есть благо боящымся Бога, да боятся от лица Его,
8:13 См.: 🔗Пс. 143:4	и не будет благо нечестивому, и не продолжит дний в сени, иже несть бояйся от лица Божия.
8:14 См.: 🔗1Кор. 4:13 🔗2Кор. 6:8	Есть суета, яже сотворена есть на земли: яко суть праведнии, на нихже постизает яко творение нечестивых, и суть нечестивии, на нихже постизает яко творение праведных. Рех, яко и сие суета.
8:15 См.: 🔗Еккл. 2:24 🔗Еккл. 3:12 🔗Деян. 14:17 🔗1Кор. 10:31 🔗Флп. 4:11	И похвалих аз веселие, яко несть благо человеку под солнцем, но токмо еже ясти и пити и еже веселитися: и то прибыток ему в труде его во днех живота его, ихже дал есть ему Бог под солнцем.
8:16 См.: 🔗Еккл. 1:17	В нихже дах сердце мое, еже разумети мудрость и еже ведети попечение сотвореное на земли: яко и во дни и в нощи сна во очию своею несть видяй.
8:17	И видех вся творения Божия, яко не может человек изобрести творение сотвореное под солнцем: елика аще потрудится человек обрести, и не обрящет: и елика аще речет мудрый уразумети, не возможет обрести. Темже все сие вдах в сердце мое, и сердце мое все сие виде.