Книга пророка Иезекииля, глава 30

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 30
30:1	И бысть слово Господне ко мне глаголя:
30:2	сыне человечь, прорцы и рцы: сия глаголет Адонаи Господь:
30:3 См.: 🔗Иоил. 2:2 🔗Соф. 1:14	возрыдайте: оле, оле день! Яко близ день Господень, и приближается день облака, и конец языков будет:
30:4 См.: 🔗Ис. 20:3	и приидет мечь на Египтяны, и будет мятеж во Ефиопии, и падут язвении во Египте, и взято будет множество их, и падутся основания его:
30:5	Персяне и Критяне, и Лидяне и Ливиане, и Мурини (и вся Аравиа) и вси примесницы, и сынове, иже от завета Моего, в нем мечем падут с ним.
30:6 См.: 🔗Иез. 29:10	Сия глаголет Господь: и падут подпоры Египта, и снидет укоризна крепости его от Магдола даже до Сиины, мечем падут в нем, глаголет Адонаи Господь.
30:7	И опустеют среде стран погибших, и гради их среде градов опустевших будут:
30:8 См.: 🔗Иез. 29:16	и уразумеют, яко Аз есмь Господь, егда дам огнь на Египет, и сокрушатся вси помагающии ему.
30:9 См.: 🔗Исх. 12:29	В той день приидут вестницы от лица Моего в сиеим тщащеся погубити надежду Муринския земли, и будет им мятеж в день Египетск, яко се, приспе.
30:10	Сия глаголет Адонаи Господь: и погублю множество Египтян рукою Навуходоносора царя Вавилонска,
30:11 См.: 🔗Иез. 31:11	самаго и людий его с ним, губителие от язык послани погубити землю: и извлекут вси мечы своя на Египта, и наполнится земля язвеными.
30:12 См.: 🔗Ис. 19:5 🔗Иез. 5:17	И дам реки их во опустение и отдам землю в руце злых, и погублю землю и исполнение ея руками чуждих, Аз Господь глаголах.
30:13 См.: 🔗Зах. 13:2	Яко сия глаголет Адонаи Господь: погублю кумиры и испражню вельможы от Мемфиса и старейшины от земли Египетския, и не будут ктому: и дам страх во земли Египетстей.
30:14 См.: 🔗Иер. 44:1	И погублю землю Фафорскую, и дам огнь на Таниса, и сотворю отмщение в Диосполи,
30:15 См.: 🔗Иер. 46:25 🔗Ос. 9:6	и излию ярость Мою на Саин крепость Египетску, и погублю множество Мемфы.
30:16	И дам огнь на Египта, и мятежем возмятется Саис, и в Диосполи будет разселина, и разлиются воды.
30:17 См.: 🔗Исх. 1:11	Юноши Илиуполя и Вуваста мечем падут, и жены в плен пойдут:
30:18 См.: 🔗Иер. 46:14	и в Тафнесе помрачится день, егда сокрушу тамо скипетры Египетски, и погибнет тамо укоризна крепости его, и того покрыет облак, и дщери его во пленение отведутся.
30:19 См.: 🔗Иер. 1:16	И сотворю суд во Египте, и уразумеют, яко Аз есмь Господь.
30:20	И бысть во единонадесятое лето, в первый месяц, в седмый день месяца, бысть слово Господне ко мне глаголя:
30:21 См.: 🔗Иер. 48:25	сыне человечь, мышцы фараона царя Египетска сотрох, и се, не помолися, еже дати ему цельбу, приложити ему пластырь, (обязати,) дати силу, да возмет мечь.
30:22	Того ради сия глаголет Адонаи Господь: се, Аз на фараона царя Египетска, и сокрушу мышцы его крепкия и протяженыя и сотреныя, и изрину мечь его из руки его:
30:23 См.: 🔗Иез. 29:12	и разсею Египта во языки и развею их во страны:
30:24	и укреплю мышцы царя Вавилонска и дам мечь Мой в руку его, и наведет его на Египта, и пленит пленение его, и возмет корысти его:
30:25	и укреплю мышцы царя Вавилонска, мышцы же фараони падут: и уведят, яко Аз есмь Господь, егда дам мечь Мой в руце царя Вавилонска, и прострет его на землю Египетску,
30:26	и разсею Египта во языки и развею их во страны: и уведят вси, яко Аз есмь Господь.