Псалтирь, псалом 96

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 96
96:1 См.: 🔗Пс. 92:1 🔗Пс. 98:1 🔗Зах. 9:10	Господь воцарися, да радуется земля, да веселятся острови мнози.
96:2 См.: 🔗Отк. 10:1 🔗Пс. 88:15	Облак и мрак окрест Его: правда и судба исправление престола Его.
96:3	Огнь пред Ним предидет и попалит окрест враги Его.
96:4 См.: 🔗Отк. 4:5 🔗Пс. 76:17	Осветиша молния Его вселенную: виде и подвижеся земля.
96:5	Горы яко воск растаяша от лица Господня, от лица Господа всея земли.
96:6 См.: 🔗Пс. 18:2	Возвестиша небеса правду Его, и видеша вси людие славу Его.
96:7 См.: 🔗Исх. 20:4 🔗Лев. 26:1 🔗Втор. 5:8	Да постыдятся вси кланяющиися истуканным, хвалящиися о идолех своих: поклонитеся Ему, вси ангели Его.
96:8	Слыша и возвеселися Сион, и возрадовашася дщери Иудейския, судеб ради Твоих, Господи:
96:9 См.: 🔗Пс. 134:5	яко Ты Господь вышний над всею землею, зело превознеслся еси над всеми боги.
96:10 См.: 🔗Ам. 5:15 🔗Рим. 12:9	Любящии Господа, ненавидите злая: хранит Господь душы преподобных Своих, из руки грешничи избавит я.
96:11 См.: 🔗2Цар. 22:29 🔗Иов. 18:5 🔗Пс. 111:4	Свет возсия праведнику, и правым сердцем веселие.
96:12 См.: 🔗Пс. 31:11	Веселитеся, праведнии, о Господе, и исповедайте память святыни Его.