Книга пророка Исаии, глава 15

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 15
15:1 См.: 🔗Иер. 48:13	Нощию погибнет Моавитска земля, нощию бо погибнет стена Моавитская.
15:2 См.: 🔗Иер. 48:37 🔗Иез. 7:18	Плачитеся о себе, погибнет бо и Дивон, идеже требище ваше: тамо взыдете плакатися над Нававом Моавитским. Плачитеся, на всяцей главе плешь, вся мышцы обсечены,
15:3 См.: 🔗Ис. 22:1	на стогнах его препояшитеся во вретища, и восплачитеся на храминах его и на улицах его и на стогнах его, вси возрыдайте с плачем.
15:4	Яко возопи Есевон и Елеала, даже до Иассы услышася глас их: сего ради чресла Моавитиды вопиют, душа ея увесть.
15:5 См.: 🔗Иер. 48:34	Сердце Моавитиды вопиет в ней даже до Сигора: юница бо есть трилетна. В возшествии же Луифа к тебе плачущеся взыдут путем Арониимлим: вопиет сотрение и трус.
15:6 См.: 🔗Чис. 32:36	Вода Немримля пуста будет, и трава ея оскудеет: травы бо зелены не будет.
15:7	Еда и сице спасется? Наведу бо на дебрь Аравлян, и возмут ю:
15:8 См.: 🔗Чис. 21:15 🔗2Цар. 8:2 🔗4Цар. 1:1	прейде бо вопль предел земли Моавитския до Агаллима, и плачь ея даже до Кладязя Елимля.
15:9	Вода бо Димоня наполнится крове: наведу бо на Димона Аравляны, и возму семя Моавле и Ариилево и останок Адаминь.