Книга Притчей Соломоновых, глава 31

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 31
31:1	Моя словеса рекошася от Бога, царево пророчество, егоже наказа мати его:
31:2	что, чадо, (соблюдеши,) что речение Божие? Первородне, тебе глаголю, сыне: что, чадо моего чрева? Что, чадо моих молитв?
31:3 См.: 🔗Втор. 17:17	Не даждь женам твоего богатства и твоего ума и жития в последний совет.
31:4	С советом все твори, с советом пий вино: сильнии гневливи суть, вина да не пиют,
31:5 См.: 🔗Есф. 3:15 🔗Ис. 5:22	да напившеся не забудут мудрости и право судити немощным не возмогут.
31:6 См.: 🔗Неем. 8:10	Дадите сикера сущым в печалех и вино пити сущым в болезнех,
31:7	да забудут убожества и болезней не воспомянут ктому.
31:8 См.: 🔗Прит. 24:11	Сыне, отверзай уста твоя слову Божию и суди вся здраво:
31:9 См.: 🔗Лев. 19:15 🔗Втор. 1:16	отверзай уста твоя и суди праведно, разсуждай же убога и немощна.
31:10 См.: 🔗Прит. 12:4 🔗Прит. 18:23	Жену доблю кто обрящет, дражайши есть камения многоценнаго таковая:
31:11 См.: 🔗Прит. 14:1	дерзает на ню сердце мужа ея: таковая добрых корыстей не лишится:
31:12 См.: 🔗Сир. 26:2	делает бо мужу своему благая во все житие:
31:13	обретши волну и лен, сотвори благопотребное рукама своима.
31:14	Бысть яко корабль куплю дея, издалеча собирает себе богатство:
31:15	и востает из нощи, и даде брашна дому и дела рабыням.
31:16	Узревши село купи, от плодов же рук своих насади стяжание.
31:17	Препоясавши крепко чресла своя, утвердит мышцы своя на дело,
31:18	и вкуси, яко добро есть делати, и не угасает светилник ея всю нощь.
31:19	Лакти своя простирает на полезная, руце же свои утверждает на вретено,
31:20	и руце свои отверзает убогому, длань же простре нищу.
31:21 См.: 🔗Еккл. 10:18	Не печется о сущих в дому муж ея, егда где замедлит: вси бо у нея одеяни суть.
31:22	Сугуба одеяния сотвори мужу своему, от виссона же и порфиры себе одеяния.
31:23 См.: 🔗Сир. 40:19	Славен бывает во вратех муж ея, внегда аще сядет в сонмищи со старейшины жительми земли.
31:24	Плащаницы сотвори и продаде Финикианом, опоясания же Хананеом.
31:25 См.: 🔗1Пет. 3:4	Уста своя отверзе внимателно и законно и чин заповеда языку своему.
31:26 См.: 🔗Тит. 2:3	Крепостию и лепотою облечеся, и возвеселися во дни последния.
31:27	Тесны стези дому ея, брашна же леностнаго не яде.
31:28	Уста своя отверзе мудро и законно.
31:29	Милостыня же ея возстави чада ея, и обогатишася: и муж ея похвали ю:
31:30 См.: 🔗Прит. 11:22	многи дщери стяжаша богатство, многи сотвориша силу: ты же предуспела и превознеслася еси над всеми:
31:31 См.: 🔗Мк. 14:9	ложнаго угождения и суетныя доброты женския несть в тебе: жена бо разумная благословена есть: страх же Господень сия да хвалит.