Книга Премудрости Иисуса, сына Сирахова, глава 1 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1 См.: 🔗3Цар. 3:9 🔗Иак. 1:5	Всяка премудрость от Господа и с Ним есть во век.
1:2 См.: 🔗Сир. 18:8	Песка морскаго, и капли дождевныя, и дни века кто изочтет?
1:3	Высоту небесе и широту земли, и бездну и премудрость кто изследит?
1:4 См.: 🔗Прит. 8:22 🔗Кол. 1:15	Прежде всех создася Премудрость, и разум мудрости от века.
1:5 См.: 🔗Пс. 118:101	Источник премудрости слово Божие в вышних, и шествия ея заповеди вечныя.
1:6 См.: 🔗Прем. 9:13 🔗Ис. 40:13 🔗Рим. 11:34	Корень премудрости кому открыся? И коварства ея кто разуме?
1:7 См.: 🔗Пс. 46:3 🔗Пс. 75:8	Един есть премудр, страшен зело, седяй на престоле Своем, Господь.
1:8	Сам созда ю, и виде, и сочте ю,
1:9 См.: 🔗Иак. 1:17	и излия ю на вся дела Своя,
1:10 См.: 🔗1Кор. 2:14	со всякою плотию по даянию Своему, и дарова ю любящым Его.
1:11 См.: 🔗Иер. 9:24 🔗Прит. 4:9	Страх Господень слава и похвала, и веселие и венец радости.
1:12 См.: 🔗Прит. 10:27 🔗Прит. 14:27 🔗Прит. 19:23	Страх Господень возвеселит сердце и даст веселие и радость и долгоденствие.
1:13 См.: 🔗Иов. 42:12	Боящемуся Господа благо будет на последок, и в день скончания своего обрящет благодать. Страх Господень дар от Господа и на стезях любления поставляет.
1:14	Любление Господа преславная премудрость, и имже является, разделяет Себе в ведение Его.
1:15 См.: 🔗Прит. 1:7 🔗Прит. 9:10	Начало премудрости боятися Господа, и с верными в ложеснех создася им: с человеки основание века угнезди и с семенем их уверится.
1:16	Исполнение премудрости еже боятися Господа, и упоит их от плодов ея:
1:17 См.: 🔗Втор. 28:5 🔗Прем. 7:11	весь дом их исполнит желаний своих и сосуды от жит ея.
1:18 См.: 🔗Прит. 1:7	Венец мудрости страх Господень, возцветаяй мир и здравие изцеления: обоя же суть дары Божии, и разширяет веселие любящым Его.
1:19 См.: 🔗Втор. 4:6	И виде и сочте ю: художество и ведение разума одожди, и славу держащих ю вознесе.
1:20 См.: 🔗Пс. 91:13	Корень премудрости еже боятися Господа, и ветви ея долгоденствие.
1:21 См.: 🔗Быт. 39:8	Страх Господень отреяет грехи: пребываяй же в нем отвращает гнев.
1:22 См.: 🔗Иак. 1:20	Не может ярость неправедная оправдитися: устремление бо ярости его падение ему.
1:23	До времене стерпит долготерпеливый, и последи воздаст ему веселие:
1:24	до времене скрыет словеса своя, и устне верных исповедят разум его.
1:25	В сокровищих премудрости притча ведения: мерзость же грешнику Богочестие.
1:26	Возжелев премудрости, соблюди заповеди, и Господь подаст ю тебе:
1:27 См.: 🔗Прит. 15:33	премудрость бо и наказание страх Господень, и благоволение Его вера и кротость.
1:28 См.: 🔗Сир. 28:23 🔗Мф. 8:24 🔗Иак. 4:8	Не сумневайся о страсе Господни и не приступи к Нему сердцем раздвоеным.
1:29	Не лицемерствуй пред усты человеческими и устнам твоим вонми.
1:30 См.: 🔗Лк. 18:14 🔗Деян. 13:10 🔗1Кор. 4:5	Не возносися, да не падеши и наведеши души твоей безчестие, и открыет Господь тайная твоя и посреде сонма низложит тя: яко не приступил еси во истине ко страху Господню, и сердце твое исполнено лукавства.