Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 17 | |
17:1 См.: 🔗2Цар. 22:1 | В конец, отроку Господню Давиду, яже глагола Господеви словеса песни сея, в день, в оньже избави его Господь от руки всех враг его и из руки Саули: и рече: |
17:2 | возлюблю Тя, Господи, крепосте моя: |
17:3 См.: 🔗Евр. 2:13 | Господь утверждение мое, и прибежище мое, и Избавитель мой, Бог мой, Помощник мой, и уповаю на Него: Защититель мой, и рог спасения моего, и Заступник мой. |
17:4 | Хваля призову Господа и от враг моих спасуся. |
17:5 | Одержаша мя болезни смертныя, и потоцы беззакония смятоша мя: |
17:6 См.: 🔗Иов. 22:10 | болезни адовы обыдоша мя, предвариша мя сети смертныя. |
17:7 | И внегда скорбети ми, призвах Господа и к Богу моему воззвах: услыша от храма святаго Своего глас мой, и вопль мой пред Ним внидет во ушы Его. |
17:8 См.: 🔗2Цар. 22:8 🔗Иер. 10:10 | И подвижеся и трепетна бысть земля, и основания гор смятошася и подвигошася, яко прогневася на ня Бог. |
17:9 | Взыде дым гневом Его, и огнь от лица Его воспламенится: углие возгореся от Него. |
17:10 | И приклони небеса и сниде, и мрак под ногама Его. |
17:11 | И взыде на Херувимы и лете, лете на крилу ветреню. |
17:12 См.: 🔗Ис. 50:3 | И положи тму закров Свой: окрест Его селение Его: темна вода во облацех воздушных. |
17:13 | От облистания пред Ним облацы проидоша, град и углие огненное. |
17:14 | И возгреме с небесе Господь, и Вышний даде глас Свой. |
17:15 | Низпосла стрелы и разгна я, и молнии умножи и смяте я. |
17:16 | И явишася источницы воднии, и открышася основания вселенныя от запрещения Твоего, Господи, от дохновения духа гнева Твоего. |
17:17 См.: 🔗Пс. 65:12 🔗Пс. 68:2 | Низпосла с высоты и прият мя, восприят мя от вод многих. |
17:18 | Избавит мя от врагов моих сильных и от ненавидящих мя: яко утвердишася паче мене. |
17:19 | Предвариша мя в день озлобления моего: и бысть Господь утверждение мое. |
17:20 См.: 🔗Пс. 30:9 | И изведе мя на широту: избавит мя, яко восхоте мя. |
17:21 См.: 🔗Иов. 22:30 | И воздаст ми Господь по правде моей, и по чистоте руку моею воздаст ми, |
17:22 | яко сохраних пути Господни и не нечествовах от Бога моего. |
17:23 | Яко вся судбы Его предо мною, и оправдания Его не отступиша от мене. |
17:24 | И буду непорочен с Ним и сохранюся от беззакония моего. |
17:25 | И воздаст ми Господь по правде моей и по чистоте руку моею пред очима Его. |
17:26 | С преподобным преподобн будеши, и с мужем неповинным неповинен будеши, |
17:27 | и со избранным избран будеши, и со строптивым развратишися. |
17:28 См.: 🔗1Цар. 2:8 🔗Пс. 112:7 | Яко Ты люди смиренныя спасеши и очи гордых смириши. |
17:29 См.: 🔗Ис. 42:16 | Яко Ты просветиши светилник мой, Господи: Боже мой, просветиши тму мою. |
17:30 См.: 🔗Пс. 59:14 | Яко Тобою избавлюся от искушения, и Богом моим прейду стену. |
17:31 | Бог мой, непорочен путь Его: словеса Господня разжжена. Защититель есть всех уповающих на Него. |
17:32 | Яко кто Бог, разве Господа? Или кто Бог, разве Бога нашего? |
17:33 | Бог препоясуяй мя силою, и положи непорочен путь мой: |
17:34 См.: 🔗Авв. 3:19 | совершаяй нозе мои яко елени, и на высоких поставляяй мя: |
17:35 См.: 🔗Пс. 143:1 | научаяй руце мои на брань, и положил еси лук медян мышца моя: |
17:36 | и дал ми еси защищение спасения, и десница Твоя восприят мя: и наказание Твое исправит мя в конец, и наказание Твое то мя научит. |
17:37 См.: 🔗Пс. 30:9 | Уширил еси стопы моя подо мною, и не изнемогосте плесне мои. |
17:38 | Пожену враги моя, и постигну я, и не возвращуся, дондеже скончаются: |
17:39 | оскорблю их, и не возмогут стати, падут под ногама моима. |
17:40 | И препоясал мя еси силою на брань, спял еси вся востающыя на мя под мя. |
17:41 См.: 🔗Быт. 49:8 | И врагов моих дал ми еси хребет и ненавидящыя мя потребил еси. |
17:42 См.: 🔗Иов. 27:9 | Воззваша, и не бе спасаяй: ко Господу, и не услыша их. |
17:43 | И истню я яко прах пред лицем ветра, яко брение путий поглажду я. |
17:44 См.: 🔗Рим. 15:9 | Избавиши мя от пререкания людий: поставиши мя во главу языков: людие, ихже не ведех, работаша ми, |
17:45 | в слух уха послушаша мя. Сынове чуждии солгаша ми, |
17:46 | сынове чуждии обетшаша и охромоша от стезь своих. |
17:47 См.: 🔗Втор. 32:40 | Жив Господь, и благословен Бог, и да вознесется Бог спасения моего, |
17:48 См.: 🔗1Пар. 17:10 | Бог даяй отмщение мне и покоривый люди под мя, |
17:49 | избавитель мой от враг моих гневливых: от востающих на мя вознесеши мя, от мужа неправедна избавиши мя. |
17:50 См.: 🔗Рим. 15:9 | Сего ради исповемся Тебе во языцех, Господи, и имени Твоему пою: |
17:51 | величаяй спасения царева и творяй милость христу Своему Давиду и семени его до века. |