Книга Премудрости Иисуса, сына Сирахова, глава 33 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 33
33:1	Боящагося Господа не срящет зло: аще и в напасть впадет, паки измет его.
33:2	Муж премудр не возненавидит закона, сумняйжеся в нем якоже в бури корабль.
33:3 См.: 🔗Пс. 18:8 🔗Тит. 1:9 🔗Евр. 13:9	Человек разумив веру имет закону, и закон ему верен,
33:4	яко вопрошение праведных. Приготови слово, и тако услышан будеши: сочетай наказание и тогда отвещай.
33:5 См.: 🔗Сир. 21:28	Коло колесничное утроба буяго, и якоже ось вертящаяся помышление его.
33:6	Конь на яждении яко друг лицемерен, под всяким яздящим ржет.
33:7 См.: 🔗Кол. 2:16	Почто день дне преспевает, и всяк свет дне лета от солнца?
33:8 См.: 🔗Быт. 2:3	Разумом Господним разлучистася, и измени время и праздники:
33:9 См.: 🔗Лев. 23:2	от них вознесе и освяти, и от них положи в число дний.
33:10 См.: 🔗Быт. 2:7	И человецы вси от персти, и от земли создан бысть Адам.
33:11 См.: 🔗Еф. 3:10 🔗1Кор. 12:4	Множеством ведения Господь раздели я и измени пути их.
33:12	От них благослови и вознесе, и от них освяти и к Себе приближи, от них прокля и смири и соврати их от стояния их.
33:13 См.: 🔗Ис. 45:9 🔗Рим. 9:20	Яко брение скудельника в руце его, вси путие его по изволению его: тако человецы в руце Сотворшаго их, имже воздаст по суду Своему.
33:14 См.: 🔗Сир. 42:25	противу злому благое и противу смерти живот, тако противу благочестиваго грешник. И сице воззри во вся дела Вышняго: двое двое, едино противу единому.
33:15	Аз же последний бдех и наследих якоже от начатка, якоже собираяй вслед оымателей виноградных.
33:16	Во благословение Господне достигох и яко обыматель наполних точило.
33:17 См.: 🔗Сир. 24:37	Разсмотрите, яко не себе единому трудихся, но всем ищущым наказания.
33:18 См.: 🔗Прем. 6:2	Послушайте мене, вельможи людий, и властелие собора, внушите.
33:19	Сыну и жене, брату и другу не даждь власти на себе в животе своем,
33:20	и не даждь иному имения своего, да не раскаешися требуяй их:
33:21	дондеже жив еси и дыхание в тебе, не измени себе всяцей плоти:
33:22	лучше бо есть, да тебе молятся чада твоя, нежели тебе зрети в руце чад твоих.
33:23	Во всех делех твоих буди преспевая и не даждь порока на славу твою.
33:24	В день скончания дний живота твоего и во время смерти твоея раздели наследие твое.
33:25	Пища и жезлие и бремя ослу: хлеб и наказание и дело рабу.
33:26 См.: 🔗Прит. 29:21	Накажи раба, и обрящеши покой: ослаби руку ему, и искати начнет свободы.
33:27	Иго и ремень выю прекланяют, и рабу лукаву узы и раны.
33:28	Вложи его в дело, да не празден будет, мнозей бо злобе научила праздность:
33:29	устрой его в делех, якоже подобает ему, и аще не послушает, всади его во оковы.
33:30	И не буди излишен над всякою плотию, и без суда не сотвори ничесоже.
33:31	Аще ти есть раб, да будет якоже ты, понеже кровию стяжал еси его:
33:32	аще ти есть раб, имей его якоже брата, понеже яко души твоея востребуеши его:
33:33 См.: 🔗Сир. 7:22	аще озлобиши его неправедно, и востав отбежит, киим путем поищеши его? (не веси.)