Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 | Сами бо весте, братие, вход наш иже к вам, яко не вотще бысть: |
2:2 См.: 🔗Деян. 16:22 | но предпострадавше и досаждени бывше, якоже весте, в Филиппех, дерзнухом о Бозе нашем глаголати к вам благовествование Божие со многим подвигом. |
2:3 См.: 🔗2Кор. 2:17 | Утешение бо наше не от прелести, ни от нечистоты, ни лестию: |
2:4 См.: 🔗Иер. 17:10 | но якоже искусихомся от Бога верни быти прияти благовествование, тако глаголем, не аки человеком угождающе, но Богу искушающему сердца наша. |
2:5 | Никогдаже бо в словеси ласкания быхом к вам, якоже весте, ниже в вине лихоимания: Бог свидетель! |
2:6 | Ни ищуще от человек славы, ни от вас, ни от инех: |
2:7 См.: 🔗2Тим. 2:24 | могуще в тяготе быти, якоже Христовы Апостоли, но быхом тиси посреде вас, якоже доилица греет своя чада. |
2:8 | Тако желающе вас, благоволихом подати вам не точию благовествование Божие, но и душы своя, занеже возлюблени бысте нам. |
2:9 | Помните бо, братие, труд наш и подвиг: нощь бо и день делающе, да не отяготим ни единаго от вас, проповедахом вам благовествование Божие. |
2:10 | Вы свидетеле и Бог, яко преподобно и праведно и непорочно вам верующым быхом, |
2:11 | якоже весте, зане единаго когождо вас, якоже отец чада своя, |
2:12 | моляще и утешающе вас, и свидетельствующе вам ходити достойно Богу, призвавшему вы во Свое Царство и славу. |
2:13 | Сего ради и мы благодарим Бога непрестанно, яко приемше слово слышания Божия от нас, приясте не аки слово человеческо, но, якоже есть воистинну, слово Божие, еже и действуется в вас верующих. |
2:14 См.: 🔗Евр. 10:34 | Вы бо подобницы бысте, братие, церквам Божиим сущым во Иудеи о Христе Иисусе, зане таяжде и вы пострадасте от своих сплеменник, якоже и тии от Иудей, |
2:15 См.: 🔗Мф. 23:34 | убивших и Господа Иисуса и Его пророки, и нас изгнавших, и Богу не угодивших, и всем человеком противящихся, |
2:16 | и возбраняющих нам глаголати языком, да спасутся, во еже исполнити им грехи своя всегда: постиже же на них гнев до конца. |
2:17 | Мы же, братие, осиротевше от вас ко времени часа лицем, а не сердцем, лишше тщахомся лице ваше видети многим желанием. |
2:18 | Темже хотехом приити к вам, аз убо Павел, единою и дважды: и возбрани нам сатана. |
2:19 См.: 🔗2Кор. 1:14 | Кто бо нам упование или радость или венец похваления? Не и вы ли пред Господем нашим Иисус Христом во пришествии Его? |
2:20 См.: 🔗Флп. 4:1 | Вы бо есте слава наша и радость. |