Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 27 | |
27:1 | В начале царства Иоакима сына Иосиина, царя Иудина, бысть слово сие ко Иеремии от Господа глаголя: |
27:2 См.: 🔗2Пар. 10:4 🔗Наум. 1:13 | тако рече Господь: сотвори себе узы и клады и возложи на выю свою, |
27:3 См.: 🔗Иер. 48:1 | и да послеши я ко царю Идумейску и ко царю Моавску и ко царю сынов Аммоних, и ко царю Тирску и ко царю Сидонску, в руку послов их идущих сретением своим во Иерусалим ко Седекии царю Иудину, |
27:4 | и завещай им ко господем их рещи: тако рече Господь Бог Израилев: тако рцыте ко господем своим: |
27:5 См.: 🔗Дан. 4:22 | Аз сотворих землю и человека и скоты, яже на лицы земли, крепостию Моею великою и мышцею Моею высокою, и дам ю, емуже будет угодно пред очима Моима. |
27:6 См.: 🔗Иер. 25:9 🔗Иер. 28:14 | И ныне Аз дах всю землю сию в руце Навуходоносору царю Вавилонску, да ему работают, и звери селныя дах делати ему: |
27:7 См.: 🔗Иер. 25:14 | и послужат ему вси языцы и сыну его и сыну сына его, дондеже приидет время земли его и его самого, и послужат ему мнози народи и царие велицы: |
27:8 | страна же и царство, елицы аще не поработают царю Вавилонску и елицы не вдежут выи своея в ярем царя Вавилонска, мечем и гладом посещу их, рече Господь, дондеже скончаются в руце его. |
27:9 См.: 🔗Иер. 23:16 | Вы же не слушайте лжепророк ваших и волхвующих вам и видящих сония вам, ни чарований ваших, ни обаятелей ваших глаголющих: не послужите царю Вавилонскому: |
27:10 | яко лжу прорицают тии вам, еже бы удалитися вам от земли вашея, извергнути вас и еже погибнути вам. |
27:11 | Страна же, яже склонит выю свою под ярем царя Вавилонска и послужит ему, оставлю ю на земли своей, глаголет Господь: и орати будет ю и вселится на ней. |
27:12 | И ко Седекии царю Иудину глаголах по всем словесем сим, глаголя: склоните выи вашя под иго царя Вавилонска и служите ему и людем его, и живи будете: |
27:13 См.: 🔗Иез. 18:32 | почто умираете, ты и людие твои, мечем и гладом и мором, якоже рече Господь ко странам, не хотевшым служити царю Вавилонску? |
27:14 См.: 🔗Вар. 2:24 | Не послушайте слов пророков глаголющих вам: не послужите царю Вавилонску: |
27:15 См.: 🔗Иер. 14:14 🔗Иер. 23:21 | яко неправедно тии прорицают вам: яко не послах их, рече Господь, тии же прорицают именем Моим о неправде, еже бы погубити вас, и погибнете вы и пророцы ваши, прорицающии вам о неправде ложная. |
27:16 См.: 🔗Иер. 28:3 | Вам и всем людем сим и жерцем глаголах, рекий: тако рече Господь: не слушайте словес пророческих, прорицающих вам лжу и глаголющих: се, сосуди дому Господня возвратятся от Вавилона ныне вскоре: яко лжу прорицают вам, |
27:17 | не послушайте их, но служите царю Вавилонскому, да живи будете. Вскую даете град сей в запустение? |
27:18 | Аще суть пророцы и есть слово Господне в них, да предстанут Господу Вседержителю, да не отидут сосуди, оставшиися в дому Господни и в дому царя Иудина и во Иерусалиме, в Вавилон. |
27:19 См.: 🔗4Цар. 25:13 🔗Иер. 52:17 | Тако бо глаголет Господь Вседержитель о столпех и о умывалнице, и о подставах и о прочих сосудех оставшихся во граде сем, |
27:20 См.: 🔗4Цар. 24:12 | ихже не взя Навуходоносор царь Вавилонский, егда пресели Иехонию сына Иоакимова, царя Иудина, из Иерусалима в Вавилон, и вся старейшины Иудины и Иерусалимли. |
27:21 | Тако бо глаголет Господь Вседержитель Бог Израилев о сосудех оставшихся в дому Господни и в дому царя Иудина и в Иерусалиме: |
27:22 См.: 🔗4Цар. 25:13 🔗2Пар. 36:18 | в Вавилон принесутся и тамо будут даже до дне посещения своего, глаголет Господь: и повелю принести я и возвратити на место сие. |