Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 | Пророчество о Ниневии: книга видения Наума сына Елкесеева. |
1:2 См.: 🔗Исх. 20:5 🔗Нав. 24:19 | Бог ревнив и мстяй Господь, мстяй Господь с яростию, Господь мстяй сопостатом Своим и потребляяй сам враги Своя. |
1:3 См.: 🔗Пс. 85:5 🔗Иов. 5:18 | Господь долготерпелив, и велика крепость Его, и очищаяй не очистит Господь: в скончании и трусе путь Его, и облацы прах ног Его: |
1:4 См.: 🔗Ис. 50:2 | запрещаяй морю и изсушаяй е и вся реки опустошаяй. Умалися Васанитида и Кармил, и процветающая Ливана оскудеша: |
1:5 | горы потрясошася от Него, и холми поколебашася, и ужасеся земля от лица Его, вселенная и вси живущии на ней. |
1:6 | От лица гнева Его кто постоит? И кто сопротивится во гневе ярости Его? Ярость Его растаевает власти, и камение сотрошася от Него. |
1:7 См.: 🔗Пс. 1:6 🔗2Тим. 2:19 | Благ Господь терпящым Его в день скорбения, и знаяй боящыяся Его: |
1:8 | и в потопе пути скончание сотворит: востающыя и враги Его поженет тма. |
1:9 | Что помышляете на Господа? Скончание Сам сотворит, не отмстит дважды купно в скорби: |
1:10 См.: 🔗Ис. 9:18 | понеже до основания своего оляденеет, и аки блющь и оплетающься снеден будет, и аки трость сухоты полна. |
1:11 | Из тебе изыдет помысл на Господа злый, совещаваяй сопротивная. |
1:12 | Сия глаголет Господь: обладаяй водами многими, и сице разступятся, и слух твой не услышится ктому: |
1:13 См.: 🔗Иер. 27:2 | и ныне сокрушу жезл его от тебе и узы твоя расторгну. |
1:14 См.: 🔗4Цар. 19:37 | И заповесть о тебе Господь, не разсеется от имене твоего ктому: от дому бога твоего потреблю изваянная и слиянная положу гроб твой, яко скори (есте). |
1:15 См.: 🔗Ис. 52:7 🔗Рим. 10:15 | Се, на горах ноги благовествующаго и возвещающаго мир: празднуй, Иудо, праздники твоя, воздаждь обеты твоя, зане не приложат ктому еже проити сквозе тебе во обетшание: скончася и извержеся. |