Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 См.: 🔗Быт. 14:18 | Сей бо Мелхиседек, царь Салимский, священник Бога Вышняго, иже срете Авраама возвращшася от сеча царей и благослови его, |
7:2 | емуже и десятину от всех отдели Авраам, первее убо сказуется царь правды, потом же царь Салимский, еже есть, царь мира, |
7:3 | без отца, без матере, без причта рода, ни начала днем, ни животу конца имея, уподоблен же Сыну Божию, пребывает священник выну. |
7:4 | Видите же, елик сей, емуже и десятину дал есть Авраам патриарх от избранных. |
7:5 | И приемлющии убо священство от сынов Левиин заповедь имут одесятствовати люди по закону, сиречь, братию свою, аще и от чресл Авраамовых изшедшую: |
7:6 См.: 🔗Быт. 12:2 🔗Быт. 14:20 | не причитаемый же родом к ним, одесятствова Авраама и имущаго обетования благослови: |
7:7 | без всякаго же прекословия меншее от болшаго благословляется. |
7:8 | И зде убо десятины человецы умирающии приемлют: тамо же свидетелствуемый, яко жив есть. |
7:9 | И да сице реку, Авраамом и Левий, приемляй десятины, десятины дал есть: |
7:10 | еще бо в чреслех отчиих бяше, егда срете его Мелхиседек. |
7:11 См.: 🔗Гал. 2:21 🔗Евр. 8:7 | Аще убо совершенство левитским священством было, людие бо на нем взаконени быша: кая еще потреба по чину Мелхиседекову иному востати священнику, а не по чину Ааронову глаголатися? |
7:12 | Прелагаему бо священству, по нужди и закону пременение бывает. |
7:13 | О Немже бо глаголются сия, колену иному причастися, от негоже никтоже приступи ко олтарю: |
7:14 | яве бо, яко от колена Иудова возсия Господь наш, о немже колене Моисей о священстве ничесоже глагола. |
7:15 | И лишше еще яве есть, яко по подобию Мелхиседекову востает Священник ин, |
7:16 | Иже не по закону заповеди плотския бысть, но по силе живота неразрушаемаго. |
7:17 См.: 🔗Пс. 109:4 🔗Евр. 5:6 | Свидетелствует бо, яко Ты еси священник во век по чину Мелхиседекову. |
7:18 | Отлагание убо бывает прежде бывшия заповеди за немощное ея и неполезное: |
7:19 | ничтоже бо совершил закон: привведение же есть лучшему упованию, имже приближаемся к Богу. |
7:20 | И по елику не без клятвы: |
7:21 См.: 🔗Пс. 109:4 | они бо без клятвы священницы быша, Сей же с клятвою чрез глаголющаго к Нему: клятся Господь и не раскается: Ты еси священник во век по чину Мелхиседекову: |
7:22 См.: 🔗Евр. 8:6 | по толику лучшаго завета бысть испоручник Иисус. |
7:23 | И они множайши священницы быша, зане смертию возбранени суть пребывати: |
7:24 | Сей же, занеже пребывает во веки, непреступное имать священство, |
7:25 | темже и спасти до конца может приходящих чрез Него к Богу, всегда жив сый, во еже ходатайствовати о них. |
7:26 | Таков бо нам подобаше Архиерей: преподобен, незлобив, безсквернен, отлучен от грешник и вышше небес бывый, |
7:27 См.: 🔗Лев. 16:11 | Иже не имать по вся дни нужды, якоже первосвященницы, прежде о своих гресех жертвы приносити, потом же о людских: сие бо сотвори единою, Себе принес. |
7:28 См.: 🔗Евр. 7:20 | Закон бо человеки поставляет первосвященники, имущыя немощь: слово же клятвенное, еже по законе, Сына во веки совершенна. |