Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 См.: 🔗Исх. 27:1 🔗3Цар. 8:64 | Сотвори же и олтарь медян, двадесять лакот в долготу и двадесять лакот в широту и десять лакот в высоту. |
4:2 См.: 🔗3Цар. 7:23 | И сотвори море (медяно) слияно, десять лакот от устия до устия его, кругло окрест, и пяти лакот в высоту, и округлость его тридесяти лактей: |
4:3 | и подобие телцев под ним окрест окружающих е: десять лакот обдержаху умывалницу окрест: два рода слияша телцев в слиянии их, |
4:4 См.: 🔗3Цар. 7:25 | имже сотвориша их дванадесять телцев, иже трие сматряху к северу и трие к западу, и трие к полудню и трие к востоку, и море на них (наставлено), задняя же их бяху внутрь (под морем): |
4:5 См.: 🔗3Цар. 7:26 | и толстота его дланная, и устие его яко устие потира, изваянна яко отрасли крина, вмещающее три тысящы мер: и соверши. |
4:6 См.: 🔗3Цар. 7:38 | Сотвори же омывалниц десять и постави пять одесную и пять ошуюю, да омывают в них вся приносимая на всесожжения и очищают в них, море же, да омываются священницы в нем. |
4:7 См.: 🔗3Цар. 7:49 🔗1Пар. 28:15 | Сотвори же и подсвещник златых десять по мере их и постави я в храм пять одесную и пять ошуюю. |
4:8 См.: 🔗1Пар. 28:16 | И сотвори столов десять и постави в храм пять одесную и пять ошуюю, и фиал златых сотвори сто. |
4:9 | И сотвори двор священником и двор великий, и двери двора и вереи их помедяны медию. |
4:10 | И море постави от угла дому одесную аки к востоку прямо. |
4:11 См.: 🔗3Цар. 7:40 | Сотвори же Хирам удицы мясныя, и кадилницы, и сковраду жертвенную, и вся сосуды его: и соверши Хирам творити всякое дело, еже сотвори Соломону царю в дому Божии: |
4:12 См.: 🔗3Цар. 7:15 🔗2Пар. 3:15 | столпа два, и на них окружилия, и венцы на главах дву столпу, и мрежице две, еже покрывати главы венцев иже суть над главами столпов: |
4:13 | и звонцев златых четыреста в две мрежи, и два ряда шипков во мрежи единей, еже покрывати два окружилия венцев, иже суть верху столпов: |
4:14 См.: 🔗3Цар. 7:27 | и подставов сотвори десять, и умывалницы сотвори на подставах, |
4:15 | и море едино и волов дванадесять под ним, |
4:16 | и котлы, и удицы мясныя и вся сосуды их, яже сотвори Хирам и принесе царю Соломону в дом Господень от меди чистыя. |
4:17 См.: 🔗3Цар. 7:46 | Во стране Иордана слия их царь, в толщи земней, между Сокхофом и между Саридафом. |
4:18 См.: 🔗3Цар. 7:47 | И сотвори Соломон вся сосуды сия многочисленны зело, понеже не оскуде тягость меди. |
4:19 См.: 🔗3Цар. 7:48 | Сотвори же Соломон вся сосуды дому Божия, и олтарь злат, и трапезы, и на них хлебы предложения, |
4:20 См.: 🔗3Цар. 7:49 | и подсвещники, и светилники света, да светят пред Святая святых по чину, от злата чиста, |
4:21 | и щипцы их, и светилники их, и фиалы, и чашицы, и кадилницы от злата чиста, |
4:22 См.: 🔗3Цар. 6:31 | и двери храма внутренния яже во Святая Святых и двери дому храма златыя. И совершися все дело еже сотвори Соломон в дому Господни. |