Книга Левит, глава 10

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 10
10:1 См.: 🔗Чис. 3:4 🔗Чис. 26:61 🔗1Пар. 24:2	И вземше два сына Аароня, Надав и Авиуд, кийждо свою кадилницу, вложиста в ня огнь и возложиста нань фимиам, и принесоста пред Господа огнь чуждь, егоже не повеле има Господь.
10:2	И изыде огнь от Господа, и пояде я, и умроста пред Господем.
10:3 См.: 🔗Исх. 19:22 🔗Иез. 42:13 🔗1Пет. 4:17	И рече Моисей ко Аарону: сие есть, еже рече Господь, глаголя: в приближающихся Мне освящуся и во всем сонме прославлюся. И умилися Аарон.
10:4	И призва Моисей Мисаила и Елисафана, сыны Озиилевы, сыны брата отца Аароня, и рече им: приступите и возмите братий своих от лица святых вне полка.
10:5 См.: 🔗Деян. 5:6	И приступиша, и взяша их в ризах их, (и изнесоша) вне полка, якоже рече Моисей.
10:6 См.: 🔗Лев. 13:45 🔗Лев. 21:10	И рече Моисей ко Аарону и Елеазару и Ифамару, сыном его оставшымся: глав ваших не открывайте и риз ваших не раздирайте, да не умрете, и на весь сонм будет гнев: кратия же вашя весь дом Израилев да плачутся запаления, имже запалишася от Господа:
10:7	и из дверий скинии свидения не исходите, да не умрете: елей бо помазания, иже от Господа, на вас есть. И сотвориша по словеси Моисеову.
10:8	И рече Господь ко Аарону, глаголя:
10:9 См.: 🔗Иез. 44:21 🔗1Тим. 3:3 🔗Тит. 1:7	вина и сикера не пийте, ты и сынове твои с тобою, егда входите в скинию свидения, или приступающым вам ко олтарю, да не умрете: (и будет сие) законно вечно в роды вашя:
10:10 См.: 🔗Иез. 44:23 🔗Евр. 5:14 🔗Лев. 11:1	отлучити между вещми святыми и между сквернавыми, и между нечистыми и между чистыми,
10:11 См.: 🔗Втор. 33:10 🔗Мал. 2:4	и устроити сыном Израилевым вся законная, яже глагола Господь к ним рукою Моисеовою.
10:12 См.: 🔗Лев. 2:3 🔗Лев. 6:16	И рече Моисей ко Аарону, и Елеазару и Фамару, сыном, его оставшымся: возмите жертву оставшуюся от приносов Господних и ядите опресноки у олтаря: яко святая святых суть:
10:13 См.: 🔗Лев. 2:3 🔗Лев. 6:16	и ядите я на месте святе: законно бо тебе есть, и законно сыном твоим, сие от приносов Господних: сице бо ми заповеда Господь:
10:14 См.: 🔗Лев. 9:21	и груди участия и рамо участия ядите на месте святе ты и сынове твои, и дом твой с тобою: законно бо тебе, и законно сыном твоим дадеся от жертв спасении сынов Израилевых:
10:15 См.: 🔗Исх. 29:27	рамо участия и груди участия в приносех тучных да принесут, участие еже приносити пред Господа: и да будет тебе и сыном твоим и дщерем твоим с тобою законно вечно, якоже повеле Господь Моисею.
10:16 См.: 🔗2Мак. 2:11	И козла, иже греха ради, взыскуя взыска Моисей: и сей сожжен бяше. И разгневася Моисей на Елеазара и Ифамара, сыны Аарони оставльшыяся, глаголя:
10:17 См.: 🔗Лев. 6:26 🔗Исх. 28:38	почто не снедосте на месте святе, еже греха ради, яко святая святых суть, сие даде вам ясти, да отимете грех сонма и помолитеся о них пред Господем:
10:18	не внесеся бо от крове его в святое: пред лицем внутрь да ясте е на месте святе, якоже повеле мне Господь.
10:19	И рече Аарон к Моисею, глаголя: аще днесь принесоша яже греха ради своего и всесожжения своего пред Господа, и случишася мне сицевая, и снем, яже греха ради, днесь, еда угодно будет Господу?
10:20	И слыша Моисей, и угодно ему бысть.