Книга Премудрости Иисуса, сына Сирахова, глава 19 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 19
19:1 См.: 🔗Прит. 21:17	Делатель пиянивый не будет богат, и уничижаяй малая по мале упадет.
19:2 См.: 🔗3Цар. 11:1 🔗Ос. 4:11	Вино и жены превратят разумивых, и прилагаяйся любодейцам дерзший будет:
19:3	молие и червие наследят его, и душа дерзостная измется.
19:4 См.: 🔗Прит. 15:14 🔗Мф. 11:7	Емляй скоро веру легок сердцем, и согрешаяй на душу свою согрешает.
19:5	Веселяйся сердцем о злонравии обличен будет, противляяйся же похотем венчает живот свой.
19:6	Обуздаваяй язык тихомирно поживет, и ненавидяй велеречия умалит порок.
19:7	Словесе никогдаже повтори, и ничтоже тебе умалится.
19:8	На друга и на врага не поведай, и аще не будет тебе греха, не открывай:
19:9	слыша бо у тебе, и соблюдет тя, и во время возненавидит тя.
19:10	Слышал ли еси слово, да умрет с тобою: не убойся, не расторгнет тебе.
19:11 См.: 🔗Сир. 27:18	От лица словесе поболит буй, якоже раждающая от лица младенца.
19:12	Стрела вонзена в стегно плоти, тако слово во чреве буяго.
19:13	Обличи друга, егда еще не сотворил, и аще сотворил, да не приложит ктому:
19:14 См.: 🔗Мф. 18:15	обличи друга, негли не рече, и аще рече единожды, да не повторит:
19:15	обличи друга, многажды бо бывает навет.
19:16	Не всякому словеси емли веры.
19:17 См.: 🔗Сир. 14:1	Есть поползаяйся словом, а не душею: и кто не согреши языком своим?
19:18	Обличи искренняго своего прежде прещения, и даждь место закону Вышняго. Всяка премудрость страх Господень, и во всяцей премудрости творение закона.
19:19	И несть премудрость ведение лукавства, и несть разума, идеже совет грешных.
19:20	Есть лукавство, и то мерзость, и есть безумен умаляяйся премудростию.
19:21 См.: 🔗Мф. 11:25	Лучше есть умаляяйся в разуме боязливый, нежели избыточествуяй мудростию и преступая закон.
19:22 См.: 🔗Ис. 5:20	Есть коварство испытно, и то неправедно, и есть развращаяй благодать извещати хотя суд.
19:23	Есть лукавствуяй поник чернотою, и внутренняя его исполнь льсти:
19:24	понича лицем и притворяяйся глух, идеже не познан бысть, предварит тя.
19:25	И аще немощию крепости возбранен будет согрешити, аще обрящет время, зло сотворит.
19:26 См.: 🔗Сир. 13:31 🔗Прит. 6:12	От зрака познан будет муж, и сретением лица познан будет умный.
19:27	Одеяние мужа и смех зубов и стопы человека возвестят, яже о нем.
19:28 См.: 🔗Прит. 25:15	Есть обличение, еже несть красно, и есть молчай, и той мудр.