Первое послание апостола Павла к Коринфянам, глава 3

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 3
3:1 См.: 🔗Еф. 4:14	И аз, братие, не могох вам глаголати яко духовным, но яко плотяным, яко младенцем о Христе.
3:2 См.: 🔗1Пет. 2:2	Млеком вы напоих, а не брашном: ибо не у можасте, но ниже еще можете ныне,
3:3	еще бо плотстии есте. Идеже бо в вас зависти и рвения и распри, не плотстии ли есте и по человеку ходите?
3:4 См.: 🔗1Кор. 1:12	Егда бо глаголет кто: аз убо есмь Павлов, другий же: аз Аполлосов: не плотстии ли есте?
3:5 См.: 🔗Рим. 12:6	Кто убо есть Павел? Кто же ли Аполлос? Но точию служителие, имиже веровасте, и комуждо якоже Господь даде.
3:6 См.: 🔗Мк. 16:20 🔗Деян. 19:1	Аз насадих, Аполлос напои, Бог же возрасти:
3:7	темже ни насаждаяй есть что, ни напаяяй, но возращаяй Бог.
3:8	Насаждаяй же и напаяяй едино еста: кийждо же свою мзду приимет по своему труду.
3:9 См.: 🔗Ис. 5:1 🔗Ис. 61:3	Богу бо есмы споспешницы: Божие тяжание, Божие здание есте.
3:10	По благодати Божией данней мне, яко премудр архитектон основание положих, ин же назидает: кийждо же да блюдет, како назидает.
3:11 См.: 🔗Ис. 28:16 🔗Еф. 2:22	Основания бо инаго никтоже может положити паче лежащаго, еже есть Иисус Христос.
3:12	Аще ли кто назидает на основании сем злато, сребро, камение честное, дрова, сено, тростие,
3:13 См.: 🔗Ис. 48:10 🔗1Пет. 1:7	когождо дело явлено будет: день бо явит, зане огнем открывается: и когождо дело, яковоже есть, огнь искусит.
3:14	(И) егоже аще дело пребудет, еже назда, мзду приимет:
3:15	(а) егоже дело сгорит, отщетится: сам же спасется, такожде якоже огнем.
3:16 См.: 🔗Ин. 14:23 🔗Рим. 8:9 🔗1Кор. 6:19 🔗2Кор. 6:16 🔗Гал. 4:6 🔗Евр. 3:6	Не весте ли, яко храм Божий есте, и Дух Божий живет в вас?
3:17	Аще кто Божий храм растлит, растлит сего Бог: храм бо Божий свят есть, иже есте вы.
3:18 См.: 🔗Ис. 5:21	Никтоже себе да прельщает: аще кто мнится мудр быти в вас в веце сем, буй да бывает, яко да премудр будет.
3:19 См.: 🔗Иов. 5:13	Премудрость бо мира сего буйство у Бога есть, писано бо есть: запинаяй премудрым в коварстве их.
3:20 См.: 🔗Пс. 93:11	И паки: Господь весть помышления человеческа, яко суть суетна.
3:21	Темже никтоже да хвалится в человецех, вся бо ваша суть:
3:22	аще Павел, или Аполлос, или Кифа, или мир, или живот, или смерть, или настоящая, или будущая, вся ваша суть:
3:23	вы же Христовы, Христос же Божий.