Псалтирь, псалом 95

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 95
95:1 См.: 🔗1Пар. 16:23	Воспойте Господеви песнь нову, воспойте Господеви вся земля:
95:2	воспойте Господеви, благословите имя Его: благовестите день от дне спасение Его.
95:3	Возвестите во языцех славу Его, во всех людех чудеса Его.
95:4 См.: 🔗Сир. 43:31	Яко велий Господь и хвален зело, страшен есть над всеми боги.
95:5 См.: 🔗Ис. 41:24	Яко вси бози язык бесове: Господь же небеса сотвори.
95:6 См.: 🔗1Пар. 16:27	Исповедание и красота пред Ним, святыня и великолепие во святиле Его.
95:7 См.: 🔗1Пар. 16:29 🔗Пс. 28:1	Принесите Господеви, отечествия язык, принесите Господеви славу и честь.
95:8	Принесите Господеви славу имени Его: возмите жертвы и входите во дворы Его.
95:9	Поклонитеся Господеви во дворе святем Его: да подвижится от лица Его вся земля.
95:10 См.: 🔗Зах. 9:10	Рцыте во языцех, яко Господь воцарися: ибо исправи вселенную, яже не подвижится: судит людем правостию.
95:11 См.: 🔗1Пар. 16:31 🔗Ис. 49:13 🔗Отк. 12:12	Да возвеселятся небеса, и радуется земля: да подвижится море и исполнение его:
95:12	возрадуются поля, и вся яже на них: тогда возрадуются вся древа дубравная
95:13 См.: 🔗Пс. 9:9 🔗Деян. 17:31 🔗Ис. 3:14	от лица Господня, яко грядет, яко грядет судити земли: судити вселенней в правду, и людем истиною Своею.