Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 101 | |
101:1 | Молитва нищаго, егда уныет и пред Господем пролиет моление свое. |
101:2 См.: 🔗Пс. 142:1 | Господи, услыши молитву мою, и вопль мой к Тебе да приидет. |
101:3 См.: 🔗Пс. 12:2 🔗Пс. 43:25 | Не отврати лица Твоего от мене: в оньже аще день скорблю, приклони ко мне ухо Твое: в оньже аще день призову Тя, скоро услыши мя. |
101:4 См.: 🔗Прит. 17:22 | Яко изчезоша яко дым дние мои, и кости моя яко сушило сосхошася. |
101:5 См.: 🔗Пс. 108:22 | Уязвлен бых яко трава, и изсше сердце мое, яко забых снести хлеб мой. |
101:6 | От гласа воздыхания моего прильпе кость моя плоти моей. |
101:7 См.: 🔗Втор. 14:17 | Уподобихся неясыти пустынней, бых яко нощный вран на нырищи. |
101:8 | Бдех и бых яко птица особящаяся на зде. |
101:9 | Весь день поношаху ми врази мои, и хвалящии мя мною кленяхуся. |
101:10 См.: 🔗Иов. 3:24 | Зане пепел яко хлеб ядях и питие мое с плачем растворях, |
101:11 | от лица гнева Твоего и ярости Твоея: яко вознес низвергл мя еси. |
101:12 См.: 🔗Иов. 8:9 🔗Иов. 14:1 | Дние мои яко сень уклонишася, и аз яко сено изсхох. |
101:13 | Ты же, Господи, во век пребываеши, и память Твоя в род и род. |
101:14 См.: 🔗Пс. 50:20 🔗Иер. 29:10 | Ты воскрес ущедриши Сиона: яко время ущедрити его, яко прииде время. |
101:15 | Яко благоволиша раби Твои камение его, и персть его ущедрят. |
101:16 | И убоятся языцы имене Господня, и вси царие земстии славы Твоея: |
101:17 См.: 🔗Ис. 14:32 | яко созиждет Господь Сиона и явится во славе Своей. |
101:18 | Призре на молитву смиренных и не уничижи моления их. |
101:19 | Да напишется сие в род ин, и людие зиждемии восхвалят Господа: |
101:20 | яко приниче с высоты святыя Своея, Господь с небесе на землю призре, |
101:21 См.: 🔗Пс. 78:11 | услышати воздыхание окованных, разрешити сыны умерщвленных: |
101:22 См.: 🔗Ис. 62:6 | возвестити в Сионе имя Господне и хвалу Его во Иерусалиме, |
101:23 См.: 🔗Зах. 8:21 | внегда собратися людем вкупе и царем, еже работати Господеви. |
101:24 См.: 🔗Пс. 88:46 | Отвеща Ему на пути крепости Его: умаление дний моих возвести ми: |
101:25 См.: 🔗Иов. 21:21 | не возведи мене во преполовение дний моих: в роде родов лета Твоя. |
101:26 См.: 🔗Евр. 1:10 | В началех Ты, Господи, землю основал еси, и дела руку Твоею суть небеса. |
101:27 См.: 🔗Ис. 51:6 🔗Мф. 24:35 | Та погибнут, Ты же пребываеши: и вся яко риза обетшают, и яко одежду свиеши я, и изменятся. |
101:28 | Ты же тойжде еси, и лета Твоя не оскудеют. |
101:29 | Сынове раб Твоих вселятся, и семя их во век исправится. |