Книга пророка Иеремии, глава 43

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 43
43:1	И бысть, егда преста Иеремиа глаголя к людем вся словеса Господня, яже посла Господь к ним,
43:2 См.: 🔗4Цар. 25:23	и рече Азариа сын Маасеев и Иоанан сын Кариев и вси мужие презорливии ко Иеремии, глаголюще: лжеши, не посла тя к нам Господь Бог наш глаголати: не входите во Египет жити тамо:
43:3	но Варух сын Нириин подущает тя на нас, да нас вдаси в руце Халдейсте уморити нас и превести нас в Вавилон.
43:4 См.: 🔗Иер. 22:4	И не послуша Иоанан и вси воеводы силы и вси людие (не послушаша) гласа Господня, еже жити на земли Иудине.
43:5	И взя Иоанан и вси воеводы силы вся оставшыя Иудины, возвращеныя от всех языков, аможе разсеяни быша, еже жити на земли Иудине,
43:6 См.: 🔗4Цар. 25:26	мужы сильныя и жены, и младенцы и дщери царевы, и душы, яже остави Навузардан воевода силы со Годолием сыном Ахикамовым сына Сафанова, и Иеремию пророка, и Варуха сына Нириина,
43:7 См.: 🔗Ос. 9:3 🔗Ис. 30:4	и внидоша во Египет, яко не послушаша гласа Господня, и внидоша во Тафнас.
43:8	И бысть слово Господне ко Иеремии во Тафнасе глаголя:
43:9	возми себе камени велики и скрый я пред враты дому фараоня во Тафнасе пред очима мужей Иудиных, и речеши к ним:
43:10	тако глаголет Господь Сил, Бог Израилев: се, Аз послю и приведу Навуходоносора царя Вавилонска раба Моего, и поставит престол свой на камениих сих, ихже скрыл еси, и воздвигнет оружие свое на ня,
43:11 См.: 🔗Иер. 15:2	и внидет и поразит землю Египетску: ихже на смерть, на смерть, и ихже на преселение, на преселение, а ихже под мечь, под мечь:
43:12 См.: 🔗Иез. 30:13 🔗Чис. 33:4 🔗Иер. 46:25	и пожжет огнем домы богов их, и пожжет я, и преселит я, и покрыет землю Египетскую, якоже покрывается пастух ризою своею: и изыдет оттуду с миром
43:13	и сокрушит столпы Илиуполя, иже во Египте, и домы богов Египетских пожжет огнем.