Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 | Аминь, аминь глаголю вам: не входяй дверьми во двор овчий, но прелазя инуде, той тать есть и разбойник: |
10:2 | а входяй дверьми пастырь есть овцам: |
10:3 | сему дверник отверзает, и овцы глас его слышат, и своя овцы глашает по имени, и изгонит их: |
10:4 | и егда своя овцы ижденет, пред ними ходит: и овцы по нем идут, яко ведят глас его: |
10:5 | по чуждем же не идут, но бежат от него, яко не знают чуждаго гласа. |
10:6 | Сию притчу рече им Иисус: они же не разумеша, что бяше, яже глаголаше им. |
10:7 | Рече же паки им Иисус: аминь, аминь глаголю вам, яко Аз есмь дверь овцам. |
10:8 | Вси, елико (их) прииде прежде Мене, татие суть и разбойницы: но не послушаша их овцы. |
10:9 См.: 🔗Пс. 22:2 | Аз есмь дверь: Мною аще кто внидет, спасется, и внидет и изыдет, и пажить обрящет. |
10:10 | Тать не приходит, разве да украдет и убиет и погубит: аз приидох, да живот имут и лишше имут. |
10:11 | Аз есмь пастырь добрый: пастырь добрый душу свою полагает за овцы: |
10:12 | а наемник, иже несть пастырь, емуже не суть овцы своя, видит волка грядуща и оставляет овцы и бегает, и волк расхитит их и распудит овцы: |
10:13 | а наемник бежит, яко наемник есть и нерадит о овцах. |
10:14 См.: 🔗Иез. 34:11 🔗2Тим. 2:19 | Аз есмь пастырь добрый: и знаю Моя, и знают Мя Моя: |
10:15 | якоже знает Мя Отец, и Аз знаю Отца: и душу Мою полагаю за овцы. |
10:16 См.: 🔗Иез. 37:22 | И ины овцы имам, яже не суть от двора сего, и тыя Ми подобает привести: и глас Мой услышат, и будет едино стадо (и) един Пастырь. |
10:17 См.: 🔗Ис. 53:11 | Сего ради Мя Отец любит, яко Аз душу Мою полагаю, да паки прииму ю: |
10:18 См.: 🔗Ин. 2:19 🔗Ин. 14:31 | никтоже возмет ю от Мене, но Аз полагаю ю о Себе: область имам положити ю и область имам паки прияти ю: сию заповедь приях от Отца Моего. |
10:19 | Распря же паки бысть во Иудеех за словеса сия. |
10:20 | Глаголаху же мнози от них: беса имать и неистов есть: что Его послушаете? |
10:21 | Инии глаголаху: сии глаголголи не суть беснующагося: еда может бес слепым очи отверсти? |
10:22 См.: 🔗1Мак. 4:59 | Быша же (тогда) обновления во Иерусалимех, и зима бе. |
10:23 | И хождаше Иисус в церкви, в притворе Соломони. |
10:24 | Обыдоша же Его Иудее и глаголаху Ему: доколе душы нашя вземлеши? Аще Ты еси Христос, рцы нам не обинуяся. |
10:25 См.: 🔗Ин. 5:36 | Отвеща им Иисус: рех вам, и не веруете: дела, яже Аз творю о имени Отца Моего, та свидетелствуют о Мне: |
10:26 | но вы не веруете, несте бо от овец Моих, якоже рех вам: |
10:27 | овцы Моя гласа Моего слушают, и Аз знаю их, и по Мне грядут: |
10:28 | и Аз живот вечный дам им, и не погибнут во веки, и не восхитит их никтоже от руки Моея: |
10:29 См.: 🔗Втор. 33:3 | Отец Мой, Иже даде Мне, болий всех есть, и никтоже может восхитити их от руки Отца Моего: |
10:30 | Аз и Отец едино есма. |
10:31 См.: 🔗Ин. 5:18 | Взяша же камение паки Иудее, да побиют Его. |
10:32 | Отвеща им Иисус: многа добра дела явих вам от Отца Моего: за кое их дело камение мещете на Мя? |
10:33 | Отвещаша Ему Иудее, глаголюще: о добре деле камение не мещем на Тя, но о хуле, яко Ты, человек сый, твориши Себе Бога. |
10:34 См.: 🔗Пс. 81:6 | Отвеща им Иисус: несть ли писано в законе вашем: Аз рех: бози есте? |
10:35 | Аще оных рече богов, к нимже слово Божие бысть, и не может разоритися Писание: |
10:36 См.: 🔗Ин. 6:27 | Егоже Отец святи и посла в мир, вы глаголете, яко хулу глаголеши, зане рех: Сын Божий есмь. |
10:37 | Аще не творю дела Отца Моего, не имите Ми веры: |
10:38 См.: 🔗Ин. 14:10 🔗Ин. 17:21 | аще ли творю, аще и Мне не веруете, делом (Моим) веруйте: да разумеете и веруете, яко во Мне Отец, и Аз в Нем. |
10:39 | Искаху убо паки яти Его: и изыде от рук их, |
10:40 См.: 🔗Ин. 1:28 | и иде паки на он пол Иордана, на место, идеже бе Иоанн прежде крестя, и пребысть ту. |
10:41 См.: 🔗Ин. 5:33 | И мнози приидоша к Нему и глаголаху, яко Иоанн убо знамения не сотвори ни единаго: вся же, елика рече Иоанн о Сем, истинна бяху. |
10:42 | И мнози вероваша в Него ту. |