Книга пророка Исаии, глава 63

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 63
63:1 См.: 🔗Ис. 34:6	Кто Сей пришедый от Едома, червлены ризы Его от Восора, Сей красен во утвари, зело с крепостию? Аз глаголю правду и суд спасения.
63:2 См.: 🔗Отк. 19:13	Почто червлены ризы Твоя и одежды Твоя яко от истоптания точила?
63:3 См.: 🔗Ис. 43:25 🔗Плч. 1:15 🔗Ин. 13:33	Исполнен истоптания, и от язык несть мужа со Мною: и попрах я яростию Моею, и сотрох я яко персть, и сведох кровь их в землю и вся ризы Моя омочих:
63:4 См.: 🔗Ис. 34:8 🔗Ис. 61:2	день бо воздаяния прииде на них, и лето избавления приспе:
63:5 См.: 🔗Пс. 97:1 🔗Ис. 59:16	и воззрех, и не бе помощника: и помыслих, и никтоже заступи: и избави я мышца Моя, и ярость Моя наста:
63:6 См.: 🔗Ис. 49:26	и попрах я гневом Моим и сведох кровь их в землю.
63:7	Милость Господню помянух, добродетели Господни во всех, имиже нам воздает: Господь, судия благ дому Израилеву, наводит нам по милости Своей и по множеству правды Своея.
63:8	И рече: не людие ли Мои? Чада, и не отвергнутся. И бысть им во спасение и всякия скорби их.
63:9 См.: 🔗Втор. 7:7 🔗Втор. 32:11 🔗Исх. 19:4	Не ходатай, ниже Ангел, но Сам Господь спасе их, зане любит их и щадит их: Сам избави их и восприят их и вознесе их во вся дни века.
63:10 См.: 🔗Чис. 14:11 🔗Пс. 77:57	Тии же не покоришася и разгневаша Духа Святаго Его, и обратися им на вражду, и Той воева на ня.
63:11 См.: 🔗Исх. 14:30	И помяну дни вечныя: где возведый от земли пастыря овец Своих? Где есть вложивый в них Духа Святаго?
63:12 См.: 🔗Исх. 14:21 🔗Чис. 14:17	Возведшая десницею Моисеа, мышца славы Его раздели воду пред лицем его сотворити Ему имя вечно,
63:13 См.: 🔗Прем. 19:9	проведе их сквозе бездну, якоже коня сквозе пустыню, и не утрудишася,
63:14 См.: 🔗Пс. 105:8	и яко скоты по полю, и сниде Дух от Господа и настави их: тако провел еси люди Твоя сотворити Тебе Самому имя славно.
63:15 См.: 🔗Втор. 26:15 🔗Вар. 2:16	Обратися, Господи, от небесе и виждь от дому святаго Твоего и славы Твоея: где есть ревность Твоя и крепость Твоя? Где есть множество милости Твоея и щедрот Твоих, яко терпел еси нам?
63:16 См.: 🔗Ис. 64:8	Ты бо еси Отец наш, понеже Авраам не уведе нас, и Израиль не позна нас, но Ты, Господи, Отец наш, избави ны, исперва имя Твое на нас есть.
63:17 См.: 🔗Рим. 11:7 🔗2Кор. 3:14 🔗Втор. 32:9	Что уклонил еси нас, Господи, от пути Твоего? И ожесточил еси сердца наша, еже не боятися Тебе? Обратися ради раб Твоих, ради племен достояния Твоего,
63:18 См.: 🔗Пс. 73:3	да (поне) мало наследим горы святыя Твоея. Противницы наши попраша святыню Твою:
63:19 См.: 🔗Ис. 64:10	быхом яко исперва, егда не владел еси нами, ниже бе наречено имя Твое на нас.