Книга Числа, глава 33

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 33
33:1	И сии станове сынов Израилевых, егда изыдоша из земли Египетския с силою своею рукою Моисеовою и Ааронею.
33:2	И написа Моисей воздвижения их и станы их, по словеси Господню. И сии станове шествия их:
33:3 См.: 🔗Исх. 12:37	воздвигошася от Рамессы в месяц первый, в пятыйнадесять день перваго месяца: наутрие Пасхи изыдоша сынове Израилтестии рукою высокою пред всеми Египтяны:
33:4 См.: 🔗Исх. 12:12 🔗Ис. 10:10	и Египтяне погребаху умершыя от них вся, яже изби Господь всякаго первенца в земли Египетстей: и в бозех их сотвори отмщение Господь.
33:5	И воздвигшеся сынове Израилевы от Рамессы, ополчишася в Сокхофе:
33:6 См.: 🔗Исх. 13:20	и воздвигшеся от Сокхофа, ополчишася в Вуфане, иже есть часть некая пустыни:
33:7 См.: 🔗Исх. 14:2	и воздвигошася от Вуфана, и ополчишася во устии Ирофа, иже есть прямо Веельсепфону, и ополчишася прямо Магдолу:
33:8 См.: 🔗Нав. 4:22 🔗Пс. 113:3 🔗1Кор. 10:1	и воздвигошася прямо Ирофу, и проидоша среди моря в пустыню: и идоша путем три дни в пустыни тии, и ополчишася в Горькостех.
33:9 См.: 🔗Исх. 15:27	И воздвигошася от Горькостей и приидоша в Елим: и в Елиме (быша) дванадесять источники вод, и седмьдесят стеблий фиников, и ополчишася у воды тамо.
33:10	И воздвигошася от Елима и ополчишася у моря Чермнаго:
33:11 См.: 🔗Исх. 16:1	и воздвигошася от моря Чермнаго и ополчишася в пустыни Син:
33:12	и воздвигошася от пустыни Син и ополчишася в Рафаке:
33:13	и воздвигошася от Рафака и ополчишася в Елусе:
33:14 См.: 🔗Исх. 17:1	и воздвигошася от Елуса и ополчишася в Рафидине: и не бысть тамо воды людем пити.
33:15 См.: 🔗Исх. 19:2	И воздвигошася от Рафидина и ополчишася в пустыни Сина:
33:16 См.: 🔗Чис. 11:35	и воздвигошася от пустыни Сина и ополчишася во гробех Похотения:
33:17	и воздвигошася от Гробов Похотения и ополчишася во Асирофе:
33:18 См.: 🔗Чис. 11:35 🔗Чис. 13:1	и воздвигошася от Асирофа и ополчишася в Рафаме:
33:19	и воздвигошася от Рафама и ополчишася в Ремнон – Фаресе:
33:20	и воздвигошася от Ремнон – Фареса и ополчишася в Лемвоне:
33:21	и воздвигошася от Лемвона и ополчишася в Рессане:
33:22	и воздвигошася от Рессана и ополчишася в Макеллафе:
33:23	и воздвигошася от Макеллафа и ополчишася во Арсафафе:
33:24	и воздвигошася от Арсафафа горы и ополчишася в Харадафе:
33:25	и воздвигошася от Харадафа и ополчишася в Макидофе:
33:26	и воздвигошася от Макидофа и ополчишася в Катаафе:
33:27	и воздвигошася от Катаафа и ополчишася во Фарафе:
33:28	и воздвигошася от Фарафа и ополчишася в Мафекке:
33:29	и воздвигошася от Мафекка и ополчишася во Аселмоне:
33:30	и воздвигошася от Аселмона и ополчишася в Масуруфе:
33:31 См.: 🔗Втор. 10:6	и воздвигошася от Масуруфа и ополчишася в Ванаккане:
33:32	и воздвигошася от Ванаккана и ополчишася в горе Гаддад:
33:33	и воздвигошася от горы Гаддад и ополчишася во Етевафе:
33:34	и воздвигошася от Етевафа и ополчишася во Евроне:
33:35 См.: 🔗3Цар. 9:26	и воздвигошася от Еврона и ополчишася в Гесион – Гавере:
33:36 См.: 🔗Чис. 20:1	и воздвигошася от Гесион – Гавера и ополчишася в пустыни Син: и воздвигошася от пустыни Син и ополчишася в пустыни Фарани, яже есть Кадис:
33:37 См.: 🔗Чис. 20:22	и воздвигошася от Кадиса и ополчишася в горе Ор близ земли Едомли.
33:38 См.: 🔗Чис. 20:25 🔗Втор. 32:50	И взыде Аарон жрец на гору Ор повелением Господним, и умре тамо в четыредесятое лето изшествия сынов Израилевых из земли Египетския, месяца пятаго в первый день месяца.
33:39	И Аарон бяше ста двадесяти трех лет, егда умре в горе Ор.
33:40 См.: 🔗Чис. 21:1	И услыша Хананей царь Арадский, и сей живяше в земли Ханаани, егда вхождаху сынове Израилевы.
33:41	И воздвигошася от горы Ор и ополчишася в Селмоне:
33:42	и воздвигошася от Селмона и ополчишася в Финоне:
33:43 См.: 🔗Чис. 21:10	и воздвигошася от Финона и ополчишася во Овофе:
33:44 См.: 🔗Чис. 21:11	и воздвигошася от Овофа и ополчишася в Гаи, об ону страну предел Моавлих:
33:45	и воздвигошася от Гаи и ополчишася в Девон – Гаде:
33:46	и воздвигошася от Девон – Гада и ополчишася в Гелмон – Девлафаиме:
33:47 См.: 🔗Чис. 21:1 🔗Втор. 34:1	и воздвигошася от Гелмон – Девлафаима и ополчишася в горах Аваримлих прямо Нававу:
33:48 См.: 🔗Чис. 22:1	и воздвигошася от гор Аваримлих и ополчишася на западе Моавли, у Иордана при Иерихоне:
33:49 См.: 🔗Чис. 25:1 🔗Нав. 2:1	и воздвигошася от запада Моавля и ополчишася у Иордана, между Есимофом, до Велсаттима на запады Моава.
33:50 См.: 🔗Чис. 25:17	И рече Господь к Моисею в западе Моава у Иордана при Иерихоне, глаголя:
33:51	глаголи сыном Израилевым и речеши к ним: вы преходите Иордан в землю Ханааню,
33:52 См.: 🔗Исх. 23:24 🔗Втор. 7:5 🔗Лев. 26:30	и погубите вся живущыя на земли от лица вашего, и разрушите стражбы их, и вся идолы излиянныя их сокрушите я, и вся капища их разрушите,
33:53 См.: 🔗Втор. 7:2 🔗Нав. 11:12	и погубите вся живущыя на земли, и вселитеся в ню: вам бо дах землю их по жребию:
33:54 См.: 🔗Чис. 26:54	и наследите землю их жребием по племенам вашым: многим умножите одержание их, и малым умалите одержание их: в неже изыдет имя его, тамо да будет жребий его: по племенам отечествий ваших наследите:
33:55 См.: 🔗Исх. 23:33 🔗Исх. 34:12 🔗Втор. 7:16	аще же не погубите живущих на земли от лица вашего, будут, ихже оставите от них, остны во очесех ваших и стрелы в ребрах ваших, и совраждуют вам на земли, на нейже вы вселитеся:
33:56	и будет якоже умыслих сотворити онем, то сотворю вам.