Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 32 | |
32:1 См.: 🔗Иов. 2:11 | И умолча Иов словесы. Умолчаша же и трие друзие его ктому пререковати Иову, бе бо Иов праведен пред ними. |
32:2 См.: 🔗Иов. 35:2 | Разгневася же Елиус сын Варахиилев Вузитянин, от ужичества Арамска Авситидийския страны, разгневася же на Иова зело, занеже нарече себе праведна пред Богом, |
32:3 | и на триех же другов разгневася зело, яко не возмогоша отвещати противу Иову и судиша его быти нечестива. |
32:4 | Елиус же терпяше дати ответ Иову, яко старейшии его суть деньми (друзие его). |
32:5 | И виде Елиус, яко несть ответа во устех триех мужей, и возярися гневом своим. |
32:6 См.: 🔗Иов. 15:10 | Отвещав же Елиус сын Варахиилев Вузитянин, рече: юнейший убо есмь леты, вы же есте старейшии: темже молчах, убоявся возвестити вам хитрость мою: |
32:7 См.: 🔗Иов. 12:12 | рех же: время есть глаголющее, и во мнозех летех ведят премудрость, |
32:8 См.: 🔗Ис. 11:2 🔗Прит. 2:6 | но дух есть в человецех, дыхание же Вседержителево есть научающее: |
32:9 См.: 🔗Дан. 2:21 🔗Пс. 118:100 | не многолетнии суть премудри, ниже старии ведят суд: |
32:10 | темже рех: послушайте мене, и возвещу вам, яже вем, внушите глаголы моя: |
32:11 | реку бо вам послушающым, дондеже испытаете словеса, и даже вас уразумею, |
32:12 | и се, не бе Иова обличаяй, отвещаяй противно глаголом его от вас: |
32:13 | да не речете: обретохом премудрость, Господеви приложившеся: |
32:14 | человеку же попустисте глаголати таковая словеса: |
32:15 | ужаснушася, не отвещаша ктому, обетшаша от них словеса: |
32:16 | терпех, не глаголах бо, яко сташа, не отвещаша, яко да отвещаю и аз часть. |
32:17 | Отвеща же Елиус, глаголя: |
32:18 См.: 🔗Иер. 20:9 🔗Мих. 3:8 | паки возглаголю, исполнен бо есмь словес: убивает бо мя дух чрева: |
32:19 | чрево же мое яко мех мста вряща завязан, или якоже мех коваческий расторгнутый: |
32:20 | возглаголю, да почию, отверз уста: |
32:21 См.: 🔗Иер. 17:16 | человека бо не постыждуся, но ниже бреннаго посрамлюся: |
32:22 | не вем бо чудитися лицу: аще же ни, то и мене молие изядят. |