Псалтирь, псалом 90

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 90
90:1 См.: 🔗Пс. 16:8 🔗Пс. 35:8 🔗Ос. 14:8	Живый в помощи Вышняго, в крове Бога небеснаго водворится,
90:2 См.: 🔗Пс. 141:6	речет Господеви: заступник мой еси и прибежище мое, Бог мой, и уповаю на Него.
90:3	Яко Той избавит тя от сети ловчи и от словесе мятежна:
90:4 См.: 🔗Мф. 23:37	плещма Своима осенит тя, и под криле Его надеешися: оружием обыдет тя истина Его.
90:5 См.: 🔗2Цар. 22:31 🔗Пс. 83:12	Не убоишися от страха нощнаго, от стрелы летящия во дни,
90:6	от вещи во тме преходящия, от сряща и беса полуденнаго.
90:7 См.: 🔗Иов. 11:19	Падет от страны твоея тысяща, и тма одесную тебе, к тебе же не приближится:
90:8 См.: 🔗Пс. 91:12 🔗Пс. 111:8	обаче очима твоима смотриши и воздаяние грешников узриши.
90:9	Яко ты, Господи, упование мое: Вышняго положил еси прибежище твое.
90:10	Не приидет к тебе зло, и рана не приближится телеси твоему:
90:11 См.: 🔗Мф. 4:6 🔗Лк. 4:10	яко Ангелом Своим заповесть о тебе, сохранити тя во всех путех твоих.
90:12 См.: 🔗Иов. 5:23	На руках возмут тя, да не когда преткнеши о камень ногу твою:
90:13 См.: 🔗Лк. 10:19	на аспида и василиска наступиши, и попереши льва и змия.
90:14 См.: 🔗Пс. 144:19 🔗Дан. 6:23	Яко на Мя упова, и избавлю и: покрыю и, яко позна имя Мое.
90:15 См.: 🔗Иов. 22:27 🔗Иов. 33:24 🔗Зах. 13:9	Воззовет ко Мне, и услышу его: с ним есмь в скорби, изму его и прославлю его:
90:16 См.: 🔗Ис. 43:2	долготою дний исполню его и явлю ему спасение Мое.