Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 12 | |
12:1 | И помяни Сотворшаго тя во днех юности твоея, дондеже не приидут дние злобы твоея, и приспеют лета, в нихже речеши: несть ми в них хотения: |
12:2 См.: 🔗Быт. 48:10 | дондеже не померкнет солнце и свет, и луна и звезды, и обратятся облацы созади дождя: |
12:3 | в день, в оньже подвигнутся стражие дому, и развратятся мужие силы, и упразднятся мелющии, яко умалишася, и помрачатся зрящии во скважнех: |
12:4 См.: 🔗2Цар. 19:35 | и затворят двери на торжищи, в немощи гласа мелющия, и востанет на глас птицы, и смирятся вся дщери песни: |
12:5 См.: 🔗Иов. 1:21 | и на высоту узрят, и ужас на пути, и процветет амигдал, и отолстеют прузие, и разрушится каппарис: яко отиде человек в дом века своего, и обыдоша на торжищи плачущии: |
12:6 | дондеже не превратится уже сребряное, и не сокрушится повязка златая, и сокрушится водонос у источника, и сломится колесо в колии. |
12:7 См.: 🔗Пс. 145:4 | И возвратится персть в землю, якоже бе, и дух возвратится к Богу, иже даде его. |
12:8 См.: 🔗Еккл. 1:2 | Суета суетствий, рече Екклесиаст, всяческая суета. |
12:9 См.: 🔗3Цар. 4:32 | И лишшее, яко бысть Екклесиаст мудр, и яко научи разуму человека: и ухо изследит красоту притчей. |
12:10 | Много взыска Екклесиаст, еже обрести словеса хотения, и написаное правости, словеса истины. |
12:11 | Словеса мудрых якоже остны воловии и якоже гвоздие вонзено, иже от сложений дани быша от пастыря единаго. |
12:12 | И множае от них, сыне мой, хранися: творити книги многи несть конца, и учение многое труд плоти. |
12:13 См.: 🔗1Тим. 1:5 🔗Втор. 6:2 | Конец слова, все слушай: Бога бойся и заповеди Его храни, яко сие всяк человек: |
12:14 См.: 🔗2Кор. 5:10 | яко все творение приведет Бог на суд о всяцем погрешении, аще благо и аще лукаво. |