Книга Премудрости Иисуса, сына Сирахова, глава 6 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1	И вместо друга не буди враг, имя бо лукаво студ и поношение наследит: сице грешник двоязычен.
6:2 См.: 🔗Рим. 12:16	Не возноси себе советом души твоея, да не расхищена будет аки юнец душа твоя:
6:3	листвие твое пояси и плоды твоя погубиши и оставиши себе яко древо сухо.
6:4	Душа лукава погубит стяжавшаго ю и порадование врагом сотворит его.
6:5 См.: 🔗1Кор. 13:7	Гортань сладок умножит други своя, и язык доброглаголив умножит добры беседы.
6:6 См.: 🔗Рим. 12:18	Мирствующии с тобою да будут мнози, советницы же твои един от тысящ.
6:7 См.: 🔗Мих. 7:5 🔗Мф. 10:36	Аще стяжеши друга, во искушении стяжи его и не скоро уверися ему:
6:8 См.: 🔗Сир. 37:4	есть бо друг во время свое и не пребудет во время скорби твоея,
6:9	и есть друг пременяяйся во врага и свар поношения твоего открыет,
6:10	и есть друг общник трапезам и не пребудет во время скорби твоея:
6:11	и во благих твоих будет якоже ты и на рабы твоя дерзнет:
6:12 См.: 🔗Прит. 19:4	аще смирен будеши, будет на тя и от лица твоего скрыется.
6:13	От врагов твоих отлучися и от другов твоих внимай.
6:14 См.: 🔗Сир. 25:12	Друг верен кров крепок: обретый же его обрете сокровище.
6:15	Другу верну несть измены, и несть мерила доброте его.
6:16	Друг верен врачевание житию, и боящиися Господа обрящут его.
6:17	Бояйся Господа управляет дружбу свою, якоже бо сам, тако и искренний его.
6:18 См.: 🔗2Тим. 3:15	Чадо, от юности твоея избери наказание, и даже до седин обрящеши премудрость.
6:19	Якоже оряй и сеяй приступи к ней и жди благих плодов ея:
6:20	в делании бо ея мало потрудишися и скоро ясти будеши плоды ея.
6:21	Коль стропотна есть зело ненаказанным, и не пребудет в ней безумный:
6:22	якоже камень искушения крепок будет на нем, и не замедлит отврещи ея.
6:23	Премудрость бо по имени ея есть и не многим есть явна.
6:24	Слыши, чадо, и приими волю мою, и не отвержи совета моего:
6:25	и введи нозе твои во оковы ея и в гривну ея выю твою:
6:26	подложи рамо твое и носи ю, и не гнушайся узами ея:
6:27	всею душею твоею приступи к ней и всею силою твоею соблюди пути ея.
6:28	Изследи и взыщи, и познана ти будет, и емься за ню не остави ея:
6:29	на последок бо обрящеши покой ея, и обратится тебе на веселие.
6:30 См.: 🔗Мф. 11:29	И будут ти пута ея на покой крепости и гривны ея на одеяние славы.
6:31	Красота бо злата есть на ней, и узы ея извитие иакинфово:
6:32	во одежду славы облечешися ею, и венец радости возложиши на ся.
6:33	Аще восхощеши, чадо, наказан будеши, и аще вдаси душу твою, хитр будеши:
6:34	аще возлюбиши слушати, приимеши, и аще приклониши ухо твое, премудр будеши.
6:35 См.: 🔗Сир. 8:9	Во множестве старейшин ставай, и аще кто премудр, тому прилепися. Всяку повесть божественную восхощи слышати, и притчи разума да не убежат тебе.
6:36 См.: 🔗Лк. 21:38	Аще узриши разумна, утренюй к нему, и степени дверий его да трет нога твоя.
6:37 См.: 🔗Втор. 6:9 🔗Втор. 11:19	Размышляй в повелениих Господних и в заповедех Его поучайся присно: Той утвердит сердце твое, и желание премудрости дано ти будет.