Книга Премудрости Иисуса, сына Сирахова, глава 17 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 17
17:1 См.: 🔗Быт. 2:7 🔗Быт. 5:1 🔗Прем. 2:23	Господь созда от земли человека, и паки возврати его в ню.
17:2	Дни числа и время даде им, и даде им власть над сущими на ней.
17:3 См.: 🔗Быт. 1:27	Якоже они сами, облече их крепостию, и по образу Своему сотвори я:
17:4 См.: 🔗Быт. 1:28 🔗Быт. 9:2	и положи страх его на всяцей плоти, еже властелствовати зверьми (и скоты) и птицами.
17:5 См.: 🔗Быт. 2:20	Помышление и язык и очи, уши и сердце даде им размышляти:
17:6	художеством разума исполни я и добрая и злая показа им.
17:7	Положил есть око Свое на сердцах их, показати им величество дел Своих,
17:8	да имя святыни Его восхвалят и да поведают величества дел Его.
17:9 См.: 🔗Втор. 4:13 🔗Рим. 7:10	Приложил им художество и закон живота даде в наследие им.
17:10 См.: 🔗Быт. 12:1 🔗Исх. 20:1	Завет вечный постави с ними и судбы Своя показа им.
17:11	Величество славы видеша очеса их, и славу гласа их слыша ухо их.
17:12	И рече им: внемлите от всякия неправды. И заповеда им комуждо о искреннем.
17:13	Путие их пред Ним выну, не укрыются от очию Его.
17:14 См.: 🔗Прем. 6:3 🔗Рим. 13:1	Комуждо языку устроил вожда,
17:15 См.: 🔗Втор. 4:20	и часть Господня Израиль есть.
17:16 См.: 🔗Сир. 23:27	Вся дела их яко солнце пред Ним, и очи Его выну на путех их:
17:17 См.: 🔗Пс. 89:8	не укрышася неправды их от Него, и вси греси их пред Господем.
17:18 См.: 🔗Сир. 29:15	Милостыня мужа яко печать с Ним, и благодать человечу яко зеницу соблюдет.
17:19 См.: 🔗Мф. 16:27	По сих востанет и воздаст им, и воздаяние их на главу их воздаст:
17:20	обаче кающымся дал есть возвращение и утеши изнемогающих терпением.
17:21 См.: 🔗Иер. 3:12	Обратися убо ко Господу и остави грехи:
17:22 См.: 🔗Пс. 33:15	помолися пред лицем и умали претыкания:
17:23	восходи к Вышнему и отвратися от неправды, и зело возненавиди мерзость.
17:24 См.: 🔗Пс. 6:6 🔗Пс. 113:25 🔗Ис. 38:18	Вышняго кто восхвалит во аде, вместо живых и дающих исповедание?
17:25	От мертвеца яко ничто сущаго погибает исповедание:
17:26	живый же и здравый восхвалит Господа.
17:27 См.: 🔗Пс. 102:13 🔗Еф. 2:3	Коль велика милость Господня и очищение обращающымся к Нему?
17:28	Не могут бо вся быти в человецех:
17:29	яко не безсмертен сын человеческий.
17:30 См.: 🔗Рим. 8:7 🔗1Кор. 2:14	Что светлее солнца? И то изчезает: и зло помыслит плоть и кровь.
17:31 См.: 🔗Быт. 3:10 🔗Быт. 18:27	Силу высоты небесныя Той Сам назирает, человецы же вси земля и пепел.