Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗1Пет. 2:9 | Петр, Апостол Иисус Христов, избранным пришельцем разсеяния Понта, Галатии, Каппадокии, Асии и Вифинии, |
1:2 См.: 🔗Еф. 1:4 🔗Евр. 12:24 | по прозрению Бога Отца, во святыни Духа, в послушание и кропление Крове Иисус Христовы: благодать вам и мир да умножится. |
1:3 | Благословен Бог и Отец Господа нашего Иисуса Христа, Иже по мнозей Своей милости порождей нас во упование живо воскресением Иисус Христовым от мертвых, |
1:4 См.: 🔗2Тим. 4:8 | в наследие нетленно и нескверно и неувядаемо, соблюдено на небесех вас ради, |
1:5 См.: 🔗Ин. 10:28 | иже силою Божиею соблюдаеми есте чрез веру, во спасение готовое явитися во время последнее. |
1:6 См.: 🔗Мф. 5:12 🔗2Кор. 4:17 | О немже радуйтеся, мало ныне, аще лепо есть, прискорбни бывше в различных напастех: |
1:7 | да искушение вашея веры многочестнейше злата гибнуща, огнем же искушена, обрящется в похвалу и честь и славу, во откровении Иисус Христове, |
1:8 См.: 🔗Ин. 20:29 🔗2Кор. 5:7 | Егоже не видевше любите, и на Негоже ныне не зряще, верующе же, радуетеся радостию неизглаголанною и прославленною, |
1:9 См.: 🔗Рим. 6:23 | приемлюще кончину вере вашей, спасение душам: |
1:10 | о немже спасении взыскаша и испыташа пророцы, иже о вашей благодати прорекоша, |
1:11 | испытающе, в каково или в кое время являше в них Дух Христов, прежде свидетельствуя о Христовых страстех, и о славах, яже по сих: |
1:12 См.: 🔗Еф. 3:10 🔗1Тим. 3:16 | имже открыся, яко не им самем, но нам служаху сия, яже ныне возвестишася вам благовествовавшими вам Духом Святым посланным с небесе, в няже желают Ангели приникнути. |
1:13 См.: 🔗Лк. 12:35 | Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым. |
1:14 См.: 🔗Деян. 17:30 | Яко чада послушания, не преобразующеся первыми неведения вашего похотении, |
1:15 См.: 🔗Лк. 1:75 | но по звавшему вы Святому, и сами святи во всем житии будите. |
1:16 См.: 🔗Лев. 19:2 🔗Лев. 11:44 | Зане писано есть: святи будите, яко Аз свят есмь. |
1:17 См.: 🔗Втор. 10:17 | И аще Отца называете нелицемерно судяща комуждо по делу, со страхом жития вашего время жительствуйте, |
1:18 | ведяще, яко не истленным сребром или златом избавистеся от суетнаго вашего жития отцы преданнаго, |
1:19 | но честною Кровию яко Агнца непорочна и пречиста Христа, |
1:20 | предуведена убо прежде сложения мира, явльшася же в последняя лета вас ради, |
1:21 | иже Его ради веруете в Бога Воздвигшаго Его из мертвых и славу Ему давша, яко да вера ваша и упование будет на Бога. |
1:22 См.: 🔗1Пет. 2:17 | Душы вашя очистивше в послушании истины Духом, в братолюбие нелицемерно, от чиста сердца друг друга любите прилежно, |
1:23 См.: 🔗Иак. 1:18 | порождени не от семене истленна, но неистленна, словом живаго Бога и пребывающа во веки. |
1:24 | Зане всяка плоть яко трава, и всяка слава человеча яко цвет травный: изсше трава, и цвет ея отпаде: |
1:25 См.: 🔗Ис. 40:6 | глаголгол же Господнь пребывает во веки. Се же есть глаголгол благовествованный в вас. |