Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 41 | |
41:1 | О смерте, коль горька твоя есть память человеку мирно во имениих своих живущу, |
41:2 | мужеви не пекущуся и благополучну во всех, и еще возмогающу прияти пищу. |
41:3 См.: 🔗Иов. 5:26 | О, смерте, добр суд твой есть человеку требующему и умаляющуся крепостию, |
41:4 | в последней старости сущему и пекущуся о всех, и неверствующу и погубившу терпение. |
41:5 См.: 🔗Пс. 88:49 | Не бойся суда смерти: помяни первая твоя и последняя, сей бо суд от Господа всяцей плоти. |
41:6 | И почто отмещешися благоволения Вышняго? Аще десять, аще сто, аще тысяща лет, |
41:7 См.: 🔗Прем. 4:13 | несть во аде обличения живота. |
41:8 См.: 🔗Прем. 3:12 | Чада бывают мерзка чада грешников, и живущая в селениих нечестивых: |
41:9 См.: 🔗Иов. 20:10 | чад грешных погибнет наследие, и с семенем их выну поношение. |
41:10 См.: 🔗Прем. 3:16 | Отца нечестива укорят чада, яко его ради поношение приимут. |
41:11 | Горе вам, мужие нечестивии, иже остависте закон Бога Вышняго: |
41:12 | и аще родитеся, на клятву родитеся: и аще умрете, в клятву разделени будете. |
41:13 См.: 🔗Быт. 3:19 🔗Сир. 40:11 | Вся, елика от земли, в землю пойдут: такожде нечестивии от клятвы в пагубу. |
41:14 | Сетование человеков в телесех их: имя же грешников неблагое потребится. |
41:15 См.: 🔗Прит. 22:1 | Пецыся о имени, то бо ти пребывает паче тысящ великих сокровищ злата. |
41:16 См.: 🔗Еккл. 7:1 | Благаго жития число дний, и доброе имя во веки пребывает. |
41:17 | Наказание в мире соблюдите, чада: премудрость же сокровенна и сокровище неявленно, кая польза во обоих? |
41:18 | Лучше человек скрываяй буйство свое, нежели человек скрываяй премудрость свою. |
41:19 См.: 🔗Сир. 4:25 | Темже убо усрамитеся словес моих: |
41:20 | несть бо благо всяк срам сохраняти, и не вся всем в вере благоволятся. |
41:21 | Стыдитеся пред отцем и материю о блуде и пред сильным и властелином о лжи, |
41:22 | пред судиею и князем о согрешении, пред собором и людьми о беззаконии, |
41:23 | пред общником и другом о неправде, и на месте, идеже живеши, о татьбе, |
41:24 | и пред истиною Божиею и заветом, и от опертия лактей на трапезе, от прельщения взятия и даяния, |
41:25 | и от целующих о молчании, от видения жены блудницы и от отвращения сроднича лица, |
41:26 | от отятия части и даяния и от присмотрения жены мужаты и от обольщения рабыни своея, |
41:27 | и не приступи ко одру ея: |
41:28 См.: 🔗Сир. 18:15 🔗Сир. 20:15 | пред други о словесех поносных, и по даянии не поноси: |
41:29 См.: 🔗Сир. 19:24 🔗Сир. 27:18 | от повторения и слова слышания и от откровения словес тайных: и будеши стыдлив истинно и обретаяй благодать пред всяким человеком. |