Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 | Молю убо вас аз юзник о Господе, достойно ходити звания, в неже звани бысте, |
4:2 | со всяким смиреномудрием и кротостию, с долготерпением, терпяще друг другу любовию, |
4:3 | тщащеся блюсти единение духа в союзе мира. |
4:4 См.: 🔗Рим. 12:5 🔗1Кор. 12:12 | Едино тело, един дух, якоже и звани бысте во единем уповании звания вашего: |
4:5 | един Господь, едина вера, едино крещение, |
4:6 См.: 🔗Мал. 2:10 🔗Мк. 12:29 | един Бог и Отец всех, Иже над всеми и чрез всех и во всех нас. |
4:7 | Единому же комуждо нас дадеся благодать по мере дарования Христова. |
4:8 См.: 🔗Пс. 67:19 🔗Ин. 3:13 | Темже глаголет: возшед на высоту, пленил еси плен, и даде даяния человеком. |
4:9 | А еже, взыде, что есть, точию яко и сниде прежде в долнейшыя страны земли? |
4:10 | Сшедый, Той есть и возшедый превыше всех небес, да исполнит всяческая. |
4:11 См.: 🔗1Кор. 12:28 | И Той дал есть овы убо Апостолы, овы же пророки, овы же Благовестники, овы же пастыри и учители, |
4:12 | к совершению святых, в дело служения, в созидание Тела Христова, |
4:13 См.: 🔗1Кор. 14:20 | дондеже достигнем вси в соединение веры и познания Сына Божия, в мужа совершенна, в меру возраста исполнения Христова: |
4:14 | да не бываем ктому младенцы, влающеся и скитающеся всяким ветром учения, во лжи человечестей, в коварстве козней льщения: |
4:15 | истинствующе же в любви, да возрастим в Него всяческая, Иже есть глава Христос, |
4:16 | из Негоже все тело, составляемо и счиневаемо приличне всяцем осязанием подаяния, по действу в мере единыя коеяждо части, возращение тела творит в создание самаго себе любовию. |
4:17 | Сие убо глаголю и послушествую о Господе, ктому не ходити вам, якоже и прочии языцы ходят в суете ума их, |
4:18 | помрачени смыслом, суще отчуждени от жизни Божия, за невежество сущее в них, за окаменение сердец их: |
4:19 См.: 🔗Рим. 1:24 | иже в нечаяние вложшеся, предаша себе студодеянию, в делание всякия нечистоты в лихоимании. |
4:20 | Вы же не тако познасте Христа: |
4:21 | аще убо слышасте Его и о Нем научистеся, якоже есть истина о Иисусе: |
4:22 См.: 🔗Кол. 3:9 🔗Евр. 12:1 | отложити вам, по первому житию, ветхаго человека, тлеющаго в похотех прелестных, |
4:23 См.: 🔗1Пет. 4:2 🔗Рим. 6:4 | обновлятися же духом ума вашего, |
4:24 См.: 🔗Кол. 3:10 | и облещися в новаго человека, созданнаго по Богу в правде и в преподобии истины. |
4:25 См.: 🔗Зах. 8:16 | Темже отложше лжу, глаголите истину кийждо ко искреннему своему. Зане есмы друг другу удове. |
4:26 См.: 🔗Пс. 4:5 | Гневайтеся и не согрешайте: солнце да не зайдет в гневе вашем: |
4:27 См.: 🔗Иак. 4:7 | ниже дадите места диаволу. |
4:28 | Крадый ктому да не крадет, но паче да труждается, делая своима рукама благое, да имать подаяти требующему. |
4:29 См.: 🔗Мф. 12:36 🔗Еф. 5:4 | Всяко слово гнило да не исходит из уст ваших, но точию еже есть благо к созданию веры, да даст благодать слышащым. |
4:30 | И не оскорбляйте Духа Святаго Божия, Имже знаменастеся в день избавления. |
4:31 | Всяка горесть, и гнев, и ярость, и кличь, и хула да возмется от вас, со всякою злобою: |
4:32 См.: 🔗Мф. 6:14 🔗Мк. 11:25 | бывайте же друг ко другу блази, милосерди, прощающе друг другу, якоже и Бог во Христе простил есть вам. |