Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 | Оравдившеся убо верою, мир имамы к Богу Господем нашим Иисус Христом, |
5:2 | Имже и приведение обретохом верою во благодать сию, в нейже стоим, и хвалимся упованием славы Божия. |
5:3 См.: 🔗Иак. 1:2 🔗2Кор. 12:10 | Не точию же, но и хвалимся в скорбех, ведяще, яко скорбь терпение соделовает, |
5:4 | терпение же искусство, искусство же упование: |
5:5 | упование же не посрамит. Яко любы Божия излияся в сердца наша Духом Святым данным нам. |
5:6 См.: 🔗1Пет. 3:18 🔗Евр. 9:15 | Еще бо Христос сущым нам немощным, по времени за нечестивых умре. |
5:7 | Едва бо за праведника кто умрет: за благаго бо негли кто и дерзнет умрети. |
5:8 См.: 🔗Ин. 15:13 🔗1Ин. 3:16 | Составляет же Свою любовь к нам Бог, яко, еще грешником сущым нам, Христос за ны умре. |
5:9 См.: 🔗Рим. 3:25 🔗1Фес. 1:10 | Много убо паче, оправдани бывше ныне Кровию Его, спасемся Им от гнева. |
5:10 См.: 🔗2Кор. 5:18 🔗Кол. 1:22 | Аще бо врази бывше примирихомся Богу смертию Сына Его, множае паче примирившеся спасемся в животе Его: |
5:11 | не точию же, но и хвалимся о Бозе Господем нашим Иисус Христом, Имже ныне примирение прияхом. |
5:12 | Сего ради якоже единем человеком грех в мир вниде, и грехом смерть, и тако смерть во вся человеки вниде, в немже вси согрешиша. |
5:13 См.: 🔗Рим. 4:15 | До закона бо грех бе в мире: грех же не вменяшеся, не сущу закону. |
5:14 См.: 🔗1Кор. 15:21 🔗1Кор. 45:55 | Но царствова смерть от Адама даже до Моисеа и над несогрешившими по подобию преступления Адамова, иже есть образ будущаго. |
5:15 | Но не якоже прегрешение, тако и дар. Аще бо прегрешением единаго мнози умроша, множае паче благодать Божия и дар благодатию единаго Человека Иисуса Христа во многих преизлишествова. |
5:16 | И не якоже единем согрешшим, дарование. Грех бо из единаго во осуждение: дар же от многих прегрешении во оправдание. |
5:17 | Аще бо единаго прегрешением смерть царствова единем, множае паче избыток благодати и дар правды приемлюще, в жизни воцарятся единем Иисус Христом. |
5:18 | Темже убо, якоже единаго прегрешением во вся человеки вниде осуждение, такожде и единаго оправданием во вся человеки вниде оправдание жизни. |
5:19 См.: 🔗Ис. 53:11 🔗Флп. 2:8 | Якоже бо ослушанием единаго человека грешни быша мнози, сице и послушанием единаго праведни будут мнози. |
5:20 См.: 🔗Рим. 7:8 🔗Гал. 3:19 | Закон же привниде, да умножится прегрешение. Идеже бо умножися грех, преизбыточествова благодать: |
5:21 | да якоже царствова грех во смерть, такожде и благодать воцарится правдою в жизнь вечную, Иисус Христом Господем нашим. |